पूर्वाञ्चल खबर
इटहरी / सुनसरीको इटहरीमा आजदेखि सुरु ग्रासरुट क्षेत्रिय लिग फूटबलमा सुनसरी र उदयपुरले अंक बांडेका छन ।
इटहरी २० तरहरामा सुरु लिगको उद्घाटन खेलमा सुनसरी र उदयपुरले एक एक अंक बांडेका हुन । दश बर्षमुनीको उमेर समुह अन्तर्गत भएको उद्धघाटन खेलमा सुनसरी र उदयपुरले गोलरहित बराबरी खेलेपछी अंक बांड्न बाध्य भएका हुन । आगामी शुक्रबारसम्म चल्ने लिगको इटहरी उपमहानगरपालिका वार्ड नं २० का वडा अध्यक्ष मणिराम श्रेष्ठले उद्धघाटन गरे ।
लिगमा प्रदेश एकका झापा, मोरंग, सुनसरी र उदपयुर गरी चार जिल्ला सहभागी रहेको अखिल नेपाल फुटबल संघ एन्फा सुनसरी जिल्ला अध्यक्ष केशव कार्कीले जानकारी दिए । लिगमा १० र १३ बर्ष उमेर समुह गरी दुई बिधामा खेल हुनेछ । लिग बिजेताले आगामी महिना हुने प्रदेशस्तरिय लिग खेल्न पाउने कार्कीले जानकारी दिए ।
