पूर्वाञ्चल खबर
विराटनगर / दलितको अधिकार स्थापित गराउन मिडियाले भूमिका खेलिदिनुपर्ने सरोकारवालाहरूले जोड दिएका छन् ।
रिडेफ नेपालले विराटनगरमा आज आयोजना गरेको दलित अधिकारका लागि मिडियाको भूमिका सम्बाद कार्यक्रममा बोल्दै सरोकारवालाहरूले यस्तो बताएका हुन् ।
रिडेफ नेपालका अध्यक्ष उमेश विश्वकर्माले दलितलाई कानुनले दिएको अधिकार प्राप्तीको लागि मिडयाले भूमिका प्रभावकारी ढंगले खेलिदिनुपर्ने बताए ।
कार्यक्रममा बोल्दै नेपाल पत्रकार महासंघ नेपालको पूर्व केन्द्रीय सदस्य गणेश लम्सालले गतिमुखी र घटनाप्रधान भन्दा पनि वकालतमुखी पत्रकारती गरिनुपर्ने बताए । उनले निरन्तर वाकलत मिडियाले गरिदिए राज्यले कानुन निर्माणमा सहज हुने बताए ।
नेपाल पत्रकार महासंघ मोरङका अध्यक्ष बन्धु पोखरेलले संघियता कार्यन्वयको चरणमा रहेकोले दलितको अधिकार स्थापित गराउन मिडियाले भुमिका खेलिनदिनुपर्नेमा जोड दिए ।
