पूर्वाञ्चल खबर
विराटनगर / विराटनगर–९ मा रहेको इडेनबर्ग कलेजले कलेजमा भर्ना भएका नयाँ विद्यार्थीहरुलाई स्वागत तथा गरेको छ ।
कलेजले विविएस तथा विएडका प्रथम वर्षमा भर्ना भएका १० औं ब्याचका विद्यार्थीहरुलाई आज शनिवार विराटनगरमा एक कार्यक्रमको आयोजना गरी स्वागत गर्दै कलेजको बारैमा जानकारी गराएको थियो भने छैटौ ब्याचका करिव १ सय विद्यार्थीहरुलाई विदाई गरेको थियो ।
प्रमुख अतिथी मोरङ ५ का सांसद शिवकुमार मण्डल, कलेजका क्याम्पस प्रमुख दिनेश पण्डित, कलेजका प्रबन्धक निर्देशक भवानी शंकर भट्टराई कलेजका सञ्चालकहरु भोगेन्द्र यादब र शंकर काफ्ले, भुवन नेपाल, त्रिवि प्रतिनिधी टुनराज भट्टराईले भर्ना भएका २ सय ५० विद्यार्थीलाई कलेजको बारैमा जानकारी गराएका थिए ।
कलेज व्यवस्थापन समितीका अध्यक्ष विष्णु दाहालको सभापतीत्वमा भएको कार्यक्रममा कलेजमा अध्ययनरत दोस्रो र तेस्रो वर्षका विद्यार्थीले नवँ आगन्तुक विद्यार्थी तथा विदाई विद्यार्थीलाई नृत्य तथा गित गाएर मनोरञ्जन दिएका थिए ।
