पूर्वाञ्चल खबर
विराटनगर / नेपाल आयल निगमले पेट्रोलियम पदार्थको मूल्य घटाएको छ ।
निगमले भारतबाट आएको नयाँ सूचीअनुसार मूल्य समायोजन गरेको प्रवक्ता वीरेन्द्र गोइतले जानकारी दिए।
सबै पेट्रोलियम पदार्थमा प्रतिलिटरमा २ रुपैयाँ मूल्य घटाइएको निगमका प्रवक्ता गोइतले जानकारी दिए ।
घटेका मुल्य आज मध्यरातदेखि लागु हुने आयल निगमले जनाएको छ । नयाँ मूल्य अनुसार अव पेट्रोलको १ सय ८ रुपैयाँ कायम भएको छ भने डिजेल र मटितेल ९६.५० रुपैयाँ प्रतिलिटरमा झरेको छ । हवाई ईन्धन र एलपी ग्याँसको हकमा मूल्य यथावत राखिएको निगमका प्रवक्ता गोइतले बताए ।
