पूर्वाञ्चल खबर
विराटनगर / मोरङको ग्रामथान गाउँपालीका बडा १ लाई बाल विवाहमुक्त वडा घोषणा गरिएको छ । वडा नंं. १ मोरङको पहिलो बाल विवाहमुक्त घोषित वडा बनेको हो । मोरङ क्षेत्र नंं. ४ का प्रतिनिधिसभा सदस्य अमनलाल मोदीले बाल विवाहमुक्त वडा घोषणा गरेका हुन् ।
बाल विवाह विरुद्धका विभिन्न अभियान तथा कार्यक्रमहरुका कारण बालविवाह गर्ने क्रम घट्दै गएको वडाध्यक्ष नमोनारायण माझीले बताए । १४, १५ बर्षकै उमेरमा बढी विवाह गराउने गरेको भएतापनि त्यो क्रम घट्दै गएको वडाध्यक्ष माझीले बताए । उनका अनुसार २०७४ मा ५ वटा र २०७५ मा ४ वटा बालविवाह रोकीएको छ ।
बालविवाहमुक्त घोषणासँगै चाडै बालमैत्री घोषणा गर्ने रणनीति तय गरिसकीएको उनले बताए । बालविवाहमुक्त घोषणा कार्यक्रममा प्रतिनिधिसभा सदस्य अमनलाल मोदी, प्रदेशसभा सदस्य विजय विश्वास, ग्रामथान गाउँपालिका उपप्रमुख फूलकुमारी चौधरी, नारी विकास संघकी अध्यक्ष सीता शर्मा, वल्र्ड भिजन इन्टरनेशलका फिल्ड अफिसर विनय अमात्यलगायतले बोलेका थिए ।
