पूर्वाञ्चल खबर
ताप्लेजुङ / ताप्लेजुङको श्रीजंगा गाउँपालिका ५ पेदाङमा बाटो खन्ने क्रममा बाटो माथिबाट झरेको ढुंगा र माटोले पुरिएर स्काभेटर चालकको मृत्यु भएको छ ।
आज खैरबारीबाट राष्ट्रिय माध्यामिक विद्यालय पेदाङजोड्ने बाटो खन्दै गरेको स्काभेटरलाई बाटोमाथिबाट झरेको ढुंगा र माटोले किच्दा चालक सिन्धुली कमलामाई नगरपालिका १ बेल्टारका २१ वर्षिय विरबहादुर तामाङको घटनास्थलमानै मृत्यु भएको हो ।
घटनास्थलमा इलाका प्रहरी कार्यालय तेल्लोकबाट प्रहरीको टोली खटि गई शव उद्धार पश्चात कानूनी प्रकृया पूरा गरी पोष्टमार्टमको लागि तेल्लोक स्थित प्राथमिक स्वास्थ्य केन्द्र पठाईएको ताप्लेजुङ प्रहरीले जनजाएको छ ।
