पूर्वाञ्चल खबर
विराटनगरमा पनि स्थायीरुपमा बसोबास गर्दै आएका नेवारी समुदायले गाईजात्राको अवसरमा विभिन्न झाँकीसहित ¥याली निकालेका छन् । विराटनगर ९ मा रहेको झिपुःचबाट निकालीएको ¥यालीले ट्राफिक चोक हुँदै मेनरोडबाट नगर परिक्रमा गरी तीनपैनी स्थीत राधाकृष्ण मन्दिरमा पुगेर प्रसादी ग्रहण गरी सकिएको थियो ।
सो ¥यालीमा विराटनगरमा एक बर्षभित्र २० जना परिवारका सदस्यको मृत्यू भएका परिवार र अन्य नेवारी समुदायको बाक्लो उपस्थिती रहेको झिः पुःच विराटनगरका अध्यक्ष बुद्धरत्न उदासले जानकारी दिए । उनका अनुसार गाईजात्रामा विराटनगरमा छरिएर रहेका नेवारी समुदायको ७ वटा लाखे समुहले लाखे नाचेर मनोरञ्जन प्रदान गरेका थिए । भाद्र कृष्ण अष्टमीका दिनसम्म मनाइने यस पर्वका क्रममा प्रहसन, सामाजिक विकृतिप्रति व्यंग्यात्मक प्रदर्शन, नाचगान तथा मृत व्यक्तिको सम्झनामा रामायणको करुणरसका गीत पनि गाईने चलन रहेको छ । 
तस्वीरहरु– पुष्पराज थपलिया
