पूर्वाञ्चल खबर
क्षेत्रिय खाद्य प्रविधि तथा गुण नियन्त्रण कार्यालय विराटनगरका कार्यालय प्रमुख प्रमोद कोइरालाको अनुसार ११ वटा पानी उद्योगलाई खाद्य ऐन २०२३ खाद्य नियमावली बमोजिम मुद्दा चलाउने तयारी सुरु गरेको बताए ।
‘स्वास्थ्यमा गम्भीर असर पर्ने कोलीफर्म परीक्षण पछि भेटिएको छ,’ कोइरालाले भने, ‘जिल्ला सरकारी वकिलको कार्यालय मार्फत चाँडै खाद्य एने अन्गर्त मुद्दा दायर गर्नेछौं । चाँडै सरकारी वकिलसँग राय लिएर मुद्दाको प्रक्रिया अगाडी तयारी थालिसकेका छौं,’ कार्यालय प्रमुख कोइरालाले भने । खाद्य एने २०२३ खाद्य नियमवाली मुद्दामा ५ देखि १० हजार रुपैयाँ जरिवना वा ५ महिनादेखि एक वर्षसम्मको कैद सजाय वा दुवै हुन सक्ने कानुनी प्रावधान रहेको छ ।
क्षेत्रिय खाद्य प्रविधि तथा गुण नियन्त्रण कार्यालय विराटनगरले पानीको ल्याब परिक्षण गर्दा विराटनगर–४ मा निकिता श्रेष्ठले सञ्चालन गरेकोे गोमारानी पानी उद्योग, राम विलास साहले विराटनगर – ६ मा संचालन गरेको पूजाफूड एण्ड बेभरेज प्रा.लि., राजदिप महतोले विराटनगर – २ मा संचालन गरेकोे तिरुपति जल उद्योग, सुमित साहले विराटनगर – ९ मा संचालन गरेको माउण्टेनवाटर पानी उद्योगमा दिसामा पाइने हानिकारक ‘कोलीफर्म जिवाणु फेला परेको थियो ।
त्यस्तै काँग्रेस नेता अमृत आर्यायलका बहिनी रक्षा र विनोद अर्यालले विराटनगर – १० मा सञ्चालन गरेको हाईमल जल उद्योग, किशनकुमार रायले विराटनगर – १३ मा संचालन गरेको श्री जल उद्योग, रामप्रसाद साहले विराटनगर – ८ मा संचालन गरेको शीतल जल उद्योग, पंकज कर्णले विराटनगर १४ मा संचालन गरेको जोनसन जल उद्योग, डिपल शर्माले विराटनगर १२ मा संचालन गरेको दिव्यश्री जल उद्योग, जमुना खड्का थापाले विराटनगर ५ मा संचालन गरेको गंगाजल उद्योग र मोरङको बुढीगंगा गाउँपालिका १ मा सुरेन्द्र लगरवारले संचालन गरेको शुभजल उद्योगले उत्पादन गर्ने पानीमा ‘कोलीफर्म’ जीवाणु फेला परेको थियो ।
