पूर्वाञ्चल खबर
सरौचियास्थित सत्य साई केन्द्रबाट निकालिएको शोभायात्रा धरानरोडबाट मेनरोडसहित नगरक्षेत्रका विभिन्न भागको परिक्रमा गर्दै फेरी विराटनगर–७ स्थित सत्य साई केन्द्रमा पुगेर समापन गरिएको थियो ।
साईबाबा सम्बद्ध विभिन्न आधादर्जन संघ–संस्थाको अगुवाईमा निकिालएको शोभायात्रामा हिन्दु, बैद्ध, इस्लाम र जैन लगायत विभिन्न धर्ममा गाइने भजनकिर्तन प्रस्तुत गरिएको थियो । साइबाबाको जन्मजयन्तिको अवसरमा आयोजित ५ दिने विविध कार्यक्रम अन्तरगत आज समापनकोदिन शोभायात्रा निकालिएको सत्य साई केन्द्र क्षेत्रीय समितिका पूर्वअध्यक्ष ध्रुव ढकालले जानकारी दिए ।
जन्मजयन्तिको अवसरमा यूवा दिवस, शिक्षा दिवस र सेवा दिवस लगायतका कार्यक्रम समेत गरिएको उनले जानकारी दिए । २३ नोभेम्वर १९२६ मा भारतको आन्ध्रप्रदेशस्थित पुट्टपर्तिमा जन्मिनु भएका सत्यसाई बाबाका विश्वभरि लाखौं अनुयायी रहेको बताइन्छ ।
