विराटनगर/आइतवार विहान प्रेस सेन्टर मोरङले आयोजना गरेको पत्रकार सम्मेलनमा सेतो गाडीमा नेपाल पत्रकार महासंघ पुगेका पूर्व अर्थमन्त्रि तथा एमओवादी नेता बर्षमान पुन ‘अनन्त’ त्यही गाडीमा अन्तरवार्ताकालागि मकालु टिभी पुगेका थिए ।
समसामयिक राजनीतिक विषयमा अन्तरवार्ता दिन मकालु टिभीको स्टुडियो पसेपछि एक घण्टा भित्र आउने गरी ड्राइभरले गाडी कतै लिएर गए ।
अन्तरवार्ता दिन गएका पून एक घण्टा पछि निस्कन्छन भनेर कार्यकर्ता ढुक्क थिए । तर उनी आधा घण्टामा अन्तरवार्ता सकेर निस्किए । उनी निस्कदा गाडी थिएन । सँगै रहेका कार्यकर्ताले गाडी आउने समय सम्म पर्खन भने तर उनी मानेनन । विराटनगर हेर्दै जाउ भनी उनी निस्किए । नेताले भने पछि कार्यकर्ताले नमान्ने कुरै भएन ।
सिटी सफारीमा चढेर तीनपैनी पार्टी कार्यालय सम्म आउने इन्छा देखाएका उनलाई लैजान कर्यकर्ता सिटी सफारी खोज्दै थिए । त्यतीकैमा डिउटीमा खटिएका ट्राफिक प्रहरीले पूर्व अर्थमन्त्रि पुनलाई चिनिहाले । सिटी पर्खदै बसेका पुनलाई टेम्पो बोलाएर ‘वहाहरुलाई लगिदेउ भने ।’ टेम्पोमा चढेर धुलाम्मे विराटनगरको अवस्था नियालेर हेरे पुनले ।
उनी सवार टेम्पोलाई गन्तब्यमा पूर्याउन सादा पोसाकका प्रहरी र कार्यकर्ता मोटरसाइकल अघि पछि लागे । धरान रोड हुदै टेम्पोबाट धुलाम्मे विराटनगरलाई नियालेर हेर पूर्व अर्थमन्त्रि पुनले ।
