पूर्वाञ्चल खबर
आजआन्तरिक मामिला तथा कानुन मन्त्रालयको सहकार्यमा महासंघले कोशी प्रदेशमा कार्यरत पत्रकारहरूको पेशागत तथा सामाजिक सुरक्षालाई ध्यानमा राख्दै बीमा कार्यक्रमको औपचारिक शुभारम्भ गरेको हो ।
राट्रिय बीमा कम्पनीमा प्रत्येक पत्रकारको १० लाख ६० हजार बराबरको दुर्घटना बीमा गरिएको पत्रकार महासंघ कोशी प्रदेश अध्यक्ष भरत खड्काले जानकारी दिए । यो कार्यक्रम असार २६ गतेदेखि नै कार्यान्वयनमा आइसकेको भएपनि आज औपचारिक रूपमा शुभारम्भ गरिएको उनले बताए ।
कोशी प्रदेशका मुख्यमन्त्री हिक्मतकुमार कार्कीको प्रमुख आतिथ्यतामा भएको कार्यक्रममा आन्तरिक मामिला तथा कानुन मन्त्री गोम्बु शेर्पा, नेपाल बीमा प्राधिकरण कोशी प्रदेश कार्यालयका प्रमुख तथा पत्रकाहरूको सहभागिता थियो ।
कार्यक्रममा बोल्दै मुख्यमन्त्री कार्कीले कोशी प्रदेश सरकार सँधै पत्रकाहरूको हकहितका पक्षमा रहेको उल्लेख गरे । उनले आवश्यकता परेको ठाउँमा प्रदेश सरकार सँधै सँगै रहेको बताए ।
पत्रकार र पत्रकार संवद्ध संघसंगठनले चाहेसम्म कोशी प्रदेश सरकारले सहयोग गरिरहने आन्तरिक मामिला तथा कानुन मन्त्री गोम्बु शेर्पाले उद्घोष गरे ।
नेपाल बीमा प्राधिकरण कोशी प्रदेशका प्रमुख राजेन्द्र महर्जनले पत्रकारहरूले समाचार संकलनका क्रममा विभिन्न किसिमका जोखिमपूर्ण परिस्थितिमा खटिनुपर्ने भएकाले पेशागत सुरक्षाका लागि दुर्घटना बीमा महत्वपूर्ण रहेको बताए ।
