पूर्वाञ्चल खबर
आर्थिक रूपमा अति विपन्न परिवारलाई लक्षित गरिएको ११ जोडीको सामूहिक विवाह सोमबार हुने भउको हो ।
असार १५ गते विराटनगरस्थित अतिथि सदनको राधा मण्डपमा विहान ११ बजेर १५ मिनेटमा हुने कार्यक्रममा अभिभावक, जनप्रतिनिधि तथा समाजका अगुवाहरूको उपस्थितिमा विवाह सम्पन्न गराइने मञ्चकी अध्यक्ष ललिता जाजूले जानकारी दिइन् । उनका अनुसार स्थानीय तहका जनप्रतिनिधि तथा अभिभावकसँगको समन्वयमा वास्तविक विपन्न परिवारका ११ जोडी छनोट गरिएको छ ।
मञ्चले दोस्रो पटक सामूहिक विवाहको कार्यक्रम आयोजना गर्न लागेको हो । सामूहिक विवाहको संयोजक शीतल बाहेती हुन् भने सहसंयोजिक अर्चना तापड़िया हुन् । सामूहिक विवाहले धेरै राहत मिलेको विवाह बन्धनमा बाँधिएका परिवारहरुको भनाई छ ।
सामूहिक वैवाहिक कार्यक्रममा कोशी प्रदेशका पर्यटन, वन तथा वातावरण मन्त्री भीम पराजुली प्रमुख अतिथिका रूपमा सहभागी हुने आयोजकले जनाएको छ । सामूहिक विवाहमार्फत आर्थिक रूपमा कमजोर परिवारलाई विवाह खर्चको बोझबाट राहत पुग्नुका साथै सामाजिक सद्भाव र सहयोगको भावना अभिवृद्धि हुने मञ्चकी अध्यक्ष जाजूले बताइन् ।
यसअघि मञ्चले पहिलो पटक गत २)८१ बैशाख ६ गते अतिथि सदनमै १५ जोडी अति विपन्न परिवारका युवायुवतीको सामूहिक विवाह गराएको थियो । त्यस कार्यक्रममा मोरङ र झापाका आदिवासी समुदायसहित विभिन्न विपन्न परिवारका जोडीहरू सहभागी भएका थिए ।
