खबर पूर्वाञ्चल
आज ईद पर्वको अवसरमा शुभकामना व्यक्त गर्दै मुख्यमन्त्री कार्कीले यो पर्वले एकआपसमा सद्भाव वृद्धि गर्दै सरकारले लिएको सुखी नेपाली समृद्ध नेपालको लक्ष्यमा समेत सहयोग पुग्ने बताए।
नेपालको संविधानले सबै जातजाति र धर्मालम्बीहरूको अधिकार स्थापित गरेको स्मरण गर्दै मुख्यमन्त्री कार्कीले सबै मिलेर संविधानको रक्षा गर्न लाग्नुपर्नेमा जोड दिए । मुख्यमन्त्री कार्कीले ईद पर्वले शान्तिसहितको समृद्धिको यात्रामा सहयोग पुग्ने विश्वास समेत व्यक्त गरे।
नेपालको संविधानले सबैलाई समान दृष्टिकोणले हेरेको चर्चा गर्दै यसको रक्षा र संरक्षणको लागि जुट्न पनि यो पर्वले प्रेरणा दिने बताए। नेपाल बहुजाति बहुभाषिक र बहुधार्मिक मुलुक भएकाले हाम्रो आफ्नै मौलिक परम्परा र संस्कृति रहेको उल्लेख गर्दै मुख्यमन्त्री कार्कीले यसले गर्दा नै हामीलाई एकताको सुत्रमा बाँधेर हातेमालो गर्दै अगाडि बढ्न सहयोग पुगेको विश्वास व्यक्त गर्नुभएको छ।
