animated ellipse animated ellipse

राष्ट्रिय उच्चमावि क्रिकेट च्याम्पियनसिपको कोशी छनोट सुरु, सुष्मा र आस्था कलेजको विजयी सुरुवात

KhabarPurwanchal-Logo

खबर पूर्वाञ्चल

१५ पुष २०८१, सोमबार २१:२६
243
Shares
सुनसरी/राष्ट्रिय उच्चमावि क्रिकेट च्याम्पियनसिपको लागि कोशी प्रदेश छनोट सुरु भएको छ । इटहरीस्थित जनता क्रिकेट मैदानमा आजबाट सुरु भएको प्रतियोगितामा इटहरीको सुष्मा गोदावरी र दमकको आस्था कलेजले बिजयी सुरुवात गरेको छ ।

आज भएको पहिलो खेलमा सुष्मा गोदावरीले कस्तुरी कलेजमाथी १ रनको रोमाञ्चक जीत हात पारेको छ । टस जितेर पहिलो ब्याटिङ गरेको सुष्माले निर्धारित १० ओभरमा ७ विकेट गेमाउदै ७८ रन बनाएको थियो । ७९ रनको बिजयी लक्ष्य पछ्याएर जवाफी ब्याटिङ गरेको कस्तुरीले ५ विकेटको क्षतीमा ७७ रन मात्र बनाउन सक्यो ।

दोस्रो खेलमा आस्था कलेजले इटहरी नमुना कलेजलाई ५२ रनले पराजित गरेको छ । टस जितेर पहिलो ब्याटिङ गरेको आस्थाले निर्धारित १० ओभरमा ४ विकेट गुमाउदै १ सय १७ रन बनाएको थियो । १ सय १८ रनको बिजयी लक्ष्य पछ्याएको इटहरी नमुना ९ विकेट गुमाउदै ६५ रनमा सिमित भयो ।

भोलीसम्म चल्ने प्रतियोगितामा कोशी प्रदेशका बिभिन्न जिल्लाबाट छनौट भएर आएका ६ वटा कजेजहरुको सहभागिता रहेको छ । प्रादेशिक विजेता टोलीले काठमाडौमा माघ ९ दखि १२ गतेसम्म हुने राष्टिय प्रतियोगितामा प्रतिष्पर्धा गर्न पाउनेछ । हाइपयेती इभेन्ट्स र ई–प्लानेट एजुकेशन कन्सल्टेन्सीको संयुक्त आयोजनामा हुन लागेको उक्त प्रतियोगितामा सात वटै प्रदेशबाट छानिएका टोलीहरु र आयोजक गरी ८ टिमले प्रतिष्पर्धा गर्नेछन् ।

प्रतियोगिताका खेलहरु टि–टेन फम्र्याटमा हुनेछ । हरेक प्रदेशका विजेताले ५० हजार रुपैयाँ प्राप्त गर्नेछ ।

यो खबर पढेर तपाईलाई कस्तो महसुस भयो ?

फोटो फिचर