कोशी प्रदेश प्रमुख खापुङ्ग समक्ष मधेशी आयोग पाँचौ वार्षिक प्रतिवेदन हस्तान्तरण

आज विराटनगरमा प्रदेश प्रमुख खापुङ्गलाई नेपालको संविधानको धारा २९४ एवं मधेशी आयोग ऐन, २०७४ को दफा २२ वमोजिम आयोगकी सदस्य रेनुदेवी साहले वार्षिक सम्पादन गरेको कार्यको पाँचौ वार्षिक प्रतिवेदन वुझाएकी हुन् ।

प्रमुख खापुङ्गले प्रतिवेदन वुझ्दै आयोगले पहिचान गरेका समस्या हामी सबैको साझा समस्या भएकोले यसको समाधान गर्नु हामीसबैको जिम्मेवारी रहेको बताए । उनले मुलुक सबैको साझा भएकोले हरेक समुदायको समस्या समाधान गरी मुलुकलाई एकतावद्ध बनाउनु लाग्नु पर्नेमा जोड दिए ।

प्रमुख खापुङ्गले नेपालको संविधानको आधार समानुपातिक, समावेशी र समानता भएकोले त्यसभित्र रहेर देशका सम्पूर्ण जातजातिवीच एकतालाई बलियो बनाउनु आवश्यक्ता रहेका बताए ।

आयोगकी सदस्य साहले प्रतिवेदन पेश गर्दै १६ जिल्लाका मधेशीहरुको हकहित,धर्म, संस्कृति र न्यायको लागि कार्य गरेको बताउदै आयोगमा परेका चार सय उजुरीमध्ये महिलाको दाइजो सम्बन्धि धेरै रहेको जानकारी दिइन् ।