खबर पूर्वाञ्चल
पहिलो संस्करणमा उप विजेतामा चित बुझाएको सरस्वतीले दोस्रो संस्करणमा अपराजित हुँदै उपाधि जितेको हो ।
नेपाल क्रिकेट फाउण्डेसन र क्रिकेट विथआउट वाउण्ड्रीको सहयोगमा विराटनगर ६ स्थित ज्वाला क्रिकेट मैदानमा आज भएको फाइनल खेलमा सरस्वती स्कुलले आर्दश वालिका स्कुललाई ७४ रनको फराकिलो अनतरले पराजित गर्दै दोस्रो प्रयासमा उपाधि जितेको हो ।
टस जितेर ब्याटिङ गरेको सरस्वतीले निर्धारित १६ ओभरमा ६ विकेट गुमाई १ सय ४३ रनको विशाल योगफल बनाएको छ । सरस्वतीकी प्लेयर अफ द फाइनल प्रेरणा पासवानले ७२ रनको योगदान दिँदा कृतिसा धामीले १७ रनको योगदान दिइन् । आर्दश वालिकाकी कञ्चन राय, सिमा राय र सिम्रिका राजवंशीले समान १–१ विकेट लिइन् ।
१ सय ४४ रनको विशाल लक्ष्य पछ्याएको आर्दश वालिकाले १५ दशमलव २ बलमा सवै विकेट गुमाई ६९ रनमा सिमित भयो । वालिकाका कुनै पनि ब्याटरले दोहोरो अंकलाई छुन सकेनन् । सरस्वतीकी कृतिसा धामीले ४ विकेट लिँदा पूर्णीमा राजवंशी र अञ्जली मण्डलले १–१ विकेट लिइन् ।
प्रतियोगितामा प्लेयर अफ द सिरिज सरस्वतीकी कृतिसा धामी घोषित हुँदा उत्कृष्ट ब्याटर आर्दश वालिकाकी सकुन्तला सहनी र उत्कृष्ट बलरमा सरस्वतीकी चाँदनी यादव घोषित भइन् ।
विजयी तथा अन्य खेलाडीलाई प्रमुख अतिथि विराटनगर महानगर पालिकाकी उप–मेयर शिल्पा निरला कार्की, नेपाल क्रिकेट फाउण्डेसनका अध्यक्ष अविशेक श्रेष्ठ, क्रिकेट विथआउट वाउण्ड्रीका सार वेग, एड ल्याम्प। टिम निकल्स, सन विलियम्स र रचना राम चन्दले पुरस्कार तथा ट्रफि वितरण गरे ।
प्रतियोगितामा विराटनगरका सामुदायिक स्कुल आर्दश, आर्दश वालिका, महेन्द्र, सरस्वती, सत्यानारयण र मिल्स स्कुलका महिला खेलाडीहरुले भाग लिएका थिए ।
तपाईको प्रतिक्रिया