RUMPUM
animated ellipse animated ellipse

व्यवसायी डुब्यो भने सरकार चल्न सक्दैन : मुख्यमन्त्री कार्की

KhabarPurwanchal-Logo

खबर पूर्वाञ्चल

२९ माघ २०८०, सोमबार १७:४८
171
Shares
विराटनगर / कोशी प्रदेशका मुख्यमन्त्री केदार कार्कीले सरकार र व्यवसायी साझेदार नभई एक रथका दुई पाङ्ग्रा भएको बताएका छन् ।
नेपाल उद्योग वाणिज्य महासंघ कोशी प्रदेशको छैटौँ प्रदेश सभामा उनले साझेदार छुटिएर जान सक्छ तर पाङ्ग्रा छुटिदा रथ चल्न नसके जस्तै सरकार र व्यवसायी रहेको बताएका हुन् ।
‘कर बिनाको सरकार चल्न सक्दैन, व्यवसायी डुब्यो भने सरकार चल्न सक्दैन, उनले भने, बैङ्क डुब्यो भने रोजगारी पाउने अवस्था हुँदैन त्यसैले कोशी सरकारले उद्योगी व्यवसायीलाई प्रोत्साहन गर्नका लागि योजना कार्यान्वयनमा ल्याउनै लागेको छ ।’
महासंघको यो सभा प्रदेशको दिगो विकाशमा केन्द्रित हुन्छ भन्नेमा विश्वस्त रहेको उनले बताए । ‘व्यवसाय गर्ने भन्दा नेता बढी भएको अवस्था छ, तपाईँहरू की राजनीति गर्नुहोस् कि व्यवसाय, दुई तिर हात हाल्यो भने सफल हुईदैन् ।’ प्रदेशको उद्यमशीलतालाई अगाडि बढाउन उद्योग दर्ता सम्बन्धी नियमावली ल्याएर प्रदेशबाट नै उद्योग दर्ता, नवीकरणलगायतको काम सुरु भइसकेको मुख्यमन्त्री कार्कीले बताएका छन् ।
‘अलैँचीको व्यापार भारत मात्रै होइन तेस्रो मुलुक निकासीका लागि प्रक्रिया अगाडि बढेको छ, उनले भने, कुनै पनि विषयमा दुःख दिने खालको निकास नखोजौँ, भारतमा मात्रै अलैँची निकासी गर्दा मूल्यमा कमी आएको बेला यहाँका किसानलाई घाटा व्यहोर्नु पर्दछ ।’
श्रम सबै समान हुने उल्लेख गर्दै मुख्यमन्त्री कार्कीले सबैको सम्मान गर्नुपर्नेमा जोड दिए । ‘मानिसले आफ्नो क्षमताको श्रम बेच्दछ । विराटनगर भन्दा काठ्माडौं बढी भएमा त्यहाँ आफ्नो श्रम बेच्छ, काठ्माडौं भन्दा कतारमा बडी भयो भने त्यहाँ जान्छ । कतारभन्दा अमेरिका बढी भएमा त्यहाँ बेच्छ, श्रम बेच्न त पाइन्छ होला नि ? उनले भने, अनि विदेश गएका मानिसहरुलाई जनसम्पर्क मोर्चा बनाएर लेबी उठाएर तपाईँहरू पाटी चलाउनुहुन्छ ।’
मुख्यमन्त्री कार्कीले औद्योगिक क्षेत्रको सम्भाव्यता अध्ययन सुरु गरेको बताउँदै व्यवसाय प्रवर्धनका लागि सरकारले बनाउने नीतिमा दिगो विकासको अवधारणा अनुसार बनाउने बताए ।
उद्योग, कृषि तथा सहकारीमन्त्री रामकुमार खत्रीले प्रदेशको समृद्धिका लागि निजी क्षेत्रका उद्यमीलाई साथमा लिएर हिड्ने प्रण गर्दै प्रदेशमा प्रतिव्यक्ति आम्दानी वृद्धिका लागि कृषिको आमूल परिवर्तन गर्नुपर्नेमा जोड दिए ।

महासंघका प्रदेश अध्यक्ष राजेन्द्र राउतले प्रदेश लगानी प्राधिकरणमा नीजि क्षेत्रको अनिवार्य सहभागिताको व्यवस्था हुनुपर्नेमा जोड दिदै निजी क्षेत्रलाई प्रोत्साहन तथा लगानीकर्तालाई सहज वातावरणमा सरकारले नीति नियमको प्रभावकारी कार्यान्वयनको लागि सुझाव दिए ।

समारोहमा कोशी प्रदेश सरकारका निमित्त प्रमुख सचिव केदारनाथ शर्मा, मोरङका प्रमुख जिल्ला अधिकारी प्रेमप्रसाद भट्टराईले कृषि उत्पादन वृद्धि र दुग्धजन्य पदार्थको निर्यातकोलागि महासंघले आवश्यक सुझाव दिन आग्रह गरे ।

महासंघका पूर्व अध्यक्ष चण्डीराज ढकाल, केन्द्रीय उपाध्यक्ष हेमराज ढकाल,अलैची व्यवसायी निर्मल भट्टराई र इटहरी अध्यक्ष जीवन पराजुलीले मुलुकमा आर्थिक चलायमान बनाउन निजी क्षेत्रलाई प्रोत्साहन र विकास खर्चमा वृद्धि गर्न आवश्यक रहेको धारणा राखे ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर