कोशी प्रदेश प्रहरी अस्पताल बेलबारीको माग प्रति प्रधानमन्त्री सकारात्मक

गत फागुन १० गते मोरङको बेलबारीमा स्थापना भएको कोशी प्रदेश प्रहरी अस्पताल मंसिर २६ गते मध्यरातमा सुनसरीको इनरुवा लगएपछी स्थानीय आन्दोलित बनेका छन् । रातारात इनरुवामा सारिएपछी उक्त प्रदेश प्रहरी अस्पताललाई पुन बेलबारीमा स्थापित गराउन माग गर्दै आज संघिय राजधानी काठमाडौं पुगेका मोरङका राजनीतिक दलका नेतासंगै युवा तथा खेलकुद मन्त्री डिगबहादुर लिम्बू पनि प्रधानमन्त्री समक्ष पुगेका छन् ।

बेलबारीका मेयर दिलप्रसाद राई, उपमेयर नितु कोईराला, राष्ट्रिय सभा सदस्य विना पोख्रेल, कोशी प्रदेश सांसद ज्ञानेन्द्र सुवेदी, मानबहादुर लिम्बू, गिता तिम्सिना,नेपाली कांग्रेस बेलबारीका सभापति छत्र लिम्बू, नेकपा एमाले मोरङका सचिवालय सदस्य इरान राई, नेकपा माओवादी केन्द्रका नेता सावित्रीकुमार काफ्ले, तिलकप्रसाद राई, नेकपा माओवादी केन्द्र बेलबारीका अध्यक्ष परशुराम सुवेदी र नेपाली कांग्रेस महासमिति सदस्य महेन्द्र सुवेदी, कांग्रेस नेता डिल्लीराम गिरीलगायतले प्रधानमन्त्री प्रचण्डलाई प्रदेश प्रहरी अस्पताललाई पुन बेलबारीमै स्थापित गराउन माग गरेका छन् ।

भेटवार्ता सकारात्मक र उपलब्धि मुलक बनेको नेपाली कांग्रेस बेलबारीका सभापति छत्र लिम्बूले बताए । ूप्रधानमन्त्री ज्यु सकारात्मक हुनुभएको छ त्यसैले पनि हामी ढुक्क छौँ ू सभापति लिम्बूले बताए ।

नगरबासीले खबरदारी गरेपछि स्थानीय तहका जनप्रतिनिधि र प्रदेश सांसदहरू अस्पताल फिर्ता ल्याउने प्रयासमा छन् । यसअघि जनप्रतिनिधि तथा राजनितिकदलहरुले मुख्यमन्त्री केदार कार्की, काग्रेस नेता शेखर कोइराला लगायतलाई भेटेका छन् ।