पूर्वाञ्चल खबर
आज विहान भारतको जोगबनीमा रहेको रेल्वे स्टेशन नजिक गोली चल्दा विराटनगर महानगरपालिका वडा नम्बर ८ का २८ वर्षीय निर्दोश संग्रौला घाइते भएका हुन् ।
जिल्ला प्रहरी कार्यालय मोरङका अनुसार अज्ञात समूहको गोली प्रहारबाट उनको दाहिने खुट्टा र तीघ्रमा चोट लागेको छ। सग्रौलाको अहिले कोशी अस्पताल विराटनगरमा उपचार भइरहेको छ।
गोली प्रहार गर्ने व्यक्तिको पहिचान खुलेको छैन। घटनाबारे अनुसन्धान भइरहेको प्रहरीले जनाएको छ।
मोरङ प्रहरीका प्रवक्ता डिएसपी रन्जनकुमार दाहालले दशगजा क्षेत्रमा नभएर भारतीय भूमितिर गोली चलेको हुनसक्ने बताए । ‘दशगजामा भएको भए प्रहरीलाई थाहा हुने थियो । हामीले पनि विरामी हस्पिटल आएपछि मात्र थाहा पाएका छौं । घटना विषय अनुसन्धान भइरहेको छ,’ उनले भने ।
