सरकारी छाप किर्ते गरेको आरोपमा पाँच जना पक्राउ

रतुवामाई नगरपालिका वडा नं.३ का वडाध्यक्ष वर्ष ५५ का देविलाल ताजपुरियाको हस्ताक्षर र छाप किर्ते गरी सिफारिस लिएको आरोपमा प्रहरीले पाँच जनालाई पक्राउ गरेको हो ।

पक्राउ पर्नेमा रतुवामाई ४ बस्ने वर्ष ६५ का चेतनलाल राजवंशी, वर्ष ६२ का झरिया देवि राजवंशी, ६३ वष्र्वाका विष्णु राजवंशी, ६३ वर्षको पैखन लाल राजवंशी र वर्ष ६४ का कन्हारु लाल केवरत रहेको मोरङ प्रहरीका प्रवक्ता डिएसपी रन्जन कुमार दाहालले जानकारी दिए । उनीहरुले कार्तिक २ गते जग्गा बिक्रीको लागि वडाबाट सिफासिर लिनको लागि किर्ते हस्ताक्षर र सरकारी छाप दुरुपयोग गरि नक्कली बनाएको आरोप छ । ‘जग्गा पास गराउन रंगेलीको मालपोत कार्यालय गएका रहेछन् । वडाले दिएको सिफारिसमा अध्यक्षको जस्तै सही किर्ते लागेपछि मालपोतलाई शंका लागेछ । त्यसपछि प्रहरीलाई खबर गयो । त्यसपछि वडाअध्यक्षलाई बोलाए । चलानी नम्बर पनि रेकट नभएको पत्र बनाएर किर्ते कागजपत्र ल्याएको पत्ता लागो । त्यसपछि वडाअध्क्षले दिएको जाहेरीको आधारमा उनीहरुलाई पक्राउ गरिएको हो,’ डिएसपी दाहालले भने ।

जाहेरी परेपछि कार्तिक १६ गते मोरङ जिल्ला अदालतबाट पक्राउ अनुमति लिई खोजतलास कार्य भई रहेकोमा मंगलर ९ गते रतुवामाई नगरपालिका वडा नं.४ झुर्कियाबाट पक्राउ गरि अनुसन्धान भइरहेको प्रहरीले जनाएको छ ।