खबर पूर्वाञ्चल
एमाले स्थायी समिति सदस्य डा. शिवमाया तुम्हाम्फको प्रमुख अतिथिमा भएको दशै। शुभ–दीपावली, नेपाल सम्बत तथा छठलगायतको चार्डपर्वको अवसर पारेर आयोजना गरेको शुभकामना आदानप्रदान कार्यक्रममा नेता र पत्रकारहरूको जोडीले फरक फरक गीतमा नृत्य प्रस्तुत गरेका थिए ।
पत्रकार रामचन्द्र अधिकारी र उनकी श्रीमती कल्पना तिम्सिना अधिकारीको जोडीले नृत्यमा उत्कृष्ट स्थान हासिल गरेका छन् ।
एक दर्जन भन्दा बढि नेता र पत्रकारहरूको जोडीलाई पछाडि पार्दै पत्रकार रामचन्द्र अधिकारीको जोडीले प्रथम स्थान हासिल गर्न सफल भएको हो । उक्त जोडीलाई एमालेका नेता विनोद ढकालले नगद १ हजार रुपैयाँ पुरस्कार प्रदान गरेका थिए । प्रेस चौतारी नेपालका केन्द्रीय सचिव पत्रकार विक्रम लुईंटेलको निर्णायक समितिले पत्रकार अधिकारी दम्पत्तिलाई उत्कृष्ट जोडी घोषणा गरेका थिए ।
कार्यक्रममा एमालेका केन्द्रीय सदस्य जीवन घिमिरे र रामलाल साह पत्रकार रामचन्द्र अधिकारी, विक्रम लुईंटेल, नरेन्द्र दाहाल, पुष्पराज थपलिया, किशोर बुढाथोकीको जोडीले विभिन्न गीतमा नृत्य प्रस्तुत गरेका थिए ।
प्रेस चौतारी नेपाल मोरङका अध्यक्ष सुदिप कोइरालाले कार्यक्रममा सहभागि अतिथि एवं पाहुनाहरूलाई स्वागत गरेका थिए ।
