खबर पूर्वाञ्चल
अजय साहका छोरा १० वर्षीय प्रेमकुमार साहको खोलामा डुबेर आज विहान मृत्यु भएको हो ।
प्रेमकुमार नुहाउन भनेर बिहान खोलामा छिरेका थिए । स्थानीयको सहयोग लिँदै प्रहरीले डुबिरहेको घाइते अवस्थामा उनको उद्धार गरेको थियो ।
प्रहरी चौकी कटहरीबाट गएको टोलीले उद्धार गरेर उपचारका लागि ल्याउँदा ल्याउँदै बाटैमा बालकको मृत्यु भएको मोरङ प्रहरीले जनाएको छ । शवलाई पोस्टमार्टमका लागि विराटनगरको कोसी अस्पतालमा राखेर घटनाको अनुसन्धान सुरु गरिएको छ ।
