animated ellipse animated ellipse

खोटाङमा १७ वर्षीया छात्राको शव घरनजिकै फेला

KhabarPurwanchal-Logo

खबर पूर्वाञ्चल

२ माघ २०७९, सोमबार १६:४८
378
Shares
खोटाङ / खोटाङमा विद्यालयबाट घर फर्किँदै गरेकी १७ वर्षीया छात्राको शव घरनजिकै फेला परेको छ ।

हलेसी तुवाचुङ नगरपालिका–७ महादेवस्थान काभ्रेकी रञ्जिता दाहाल शंकास्पद अवस्थामा घरनजिकै मृतावस्थामा भेटिएकी हुन् ।

महेन्द्रोदय माध्यमिक विद्यालयमा कक्षा १० मा अध्ययनरत रञ्जिता आइतबार विद्यालय गएर घर नफर्किएपछि खोजी गर्दा आज विहान घरनजिकै मृतावस्थामा भेटिएकी हुन् ।

आइतबार अपराह्न घर फर्कने क्रममा सम्पर्कविहीन बनेकी बालिकाको शव घरभन्दा करिब २ सय मिटर टाढा खन्युको फेदमा पासो चुँडिएर खसेको जस्तो अवस्थामा फेला परेकी हुन् ।

उनको ओठ, आँखा, घाँटीमा चोट देखिएको, सलको एक टुक्रा घाँटीमा र एक टुक्रा रुखको हाँगामा रहेकाले घटना शंकास्पद देखिएको प्रहरीले जनाएको छ । घटनाको विषयमा अनुसन्धान भइरहेको प्रहरीले जनाएको छ ।

शवको पोस्टमार्टमपछि बालिकालाई ‘हत्या गरेर झुण्ड्याइएको जस्तो बनाउन खोजिएको वा आफैँ झुन्डिएको’ विषय खुल्ने जिल्ला प्रहरी कार्यालय खोटाङका प्रहरी नायब उपरीक्षक मञ्जिल मुकारुङले बताए।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर