खबर पूर्वाञ्चल
विराटनगरमा आज भएको खेलमा विराटनगरको मोर्डन एरा, सगरमाथा, सत्यनारायण र सनसाइन स्कुल विजयी भएका हुन् ।
प्रतियोगिताको पहिलो खेलमा मोर्डन एरा स्कुलले कोरावन स्कुललाई १–० गोलले पराजित ग¥यो । जितको लागि मोर्डन ऐराका अमन माझीले निर्णाय गोल गरे । उनी म्यान अफ द म्याच घोषित भए ।
दोस्रो खेलमा सगरमाथा माबिले हेरिटेज ई.स्कुललाई ९–० गोलले हरायो । जितको लागि सगरमाथाका समीयुल मियाँले ह्याट्रिक गर्दै तीन गोल, निरवाण श्रेष्ठ र गौरव राईले २ –२ गोल गरे भने साईमन बस्नेत र प्रवेज आलमले १–१ गोल गरे । म्यान अफल द म्याच सगरमाथाका गौरव राई घोषित भए ।
तेस्रो खेलमा सत्यनारायण माबिले एभरेस्ट स्कुललाई ४–० गोलले निरास बनायो । जितको लागि साजित आलमले २ गोल गर्दा भरत चौधरी र हेमन्त राजवंशीले १–१ गोल गरे । म्यान अफ द म्याच सत्यानारायणका भरत चौधरी घोषित भए ।
चौथो खेलमा सनसाईन स्कुलले कोशी मोडल स्कुललाई टाइब्रेकरमा ५–४ गोलले पराजित गरो । निर्धारित समयसम्म १–१ गोलको बराबरी भएपछि जितको छिनोफानो टाइब्रेकरबाट भएको हो । खेलको म्यान अफ द म्याच सनसाइन स्कुलका सुप्रिम सुवेदी घोषित भए ।
शनिबार पाँच वटा खेल हुने खेल संयोजक बिक्की कार्कीले जानकारी दिए । सभ्य कला समाज र सम्राट स्पोर्टिङ क्लबको संयुक्त आयोजनामा प्रतियोगिता भएको हो ।
तपाईको प्रतिक्रिया