खबर पूर्वाञ्चल
प्रदेश १ पुनः नामाकरण संघर्ष समितिले कोशी प्रदेश खारेजीको माग राख्दै पहिचानको आधारमा नामकरण हुनुपर्ने माग राख्दै शान्तिपूर्ण आन्दोलन गरेका हुन् ।
उनीहरुले विराटनगरको बिजुली अपिस अगाडी भेला भएर निस्किएको प्रर्दशन डिएसपी रोड हुँदै जिल्ला प्रशासन कार्यालयबाट वीरेन्द्र सभा गृह अगाडी कोणसभा आयोजना गरेका थिए । उनीहरुले पहिचानको आन्दोलनलाई दबाउने प्रयास सरकारको लागि महंगो सावित हुने चेतावनी दिए । प्रदेशवासीले अतिरिक्त अधिकार नभई पहिचान माग गरेको बताउँदै त्यसलाई रोक्न खोजिएको बताए । उनीहरुले पहिचानसहितको नामकरण नगरे जस्तोसुकै आन्दोलन गर्न पनि बाध्य हुने चेतवीन दिएका छन् ।
यसअघिको विराटनगरमा भएको आन्दोलनको क्रममा निषेधित क्षेत्र तोडेर अगाडी बढेपछि प्रहरी र आन्दोलनकारीबीच झडप हुने गरेको थियो । आइतबार आन्दोलनको क्रममा पक्राउ परेका पहिचानवादी २७ नेता तथा कार्याकताहरुलाई मंगलबार साझ रिहा भएका थिए । रिहा हुनु अगाडी पहिचानवादी र स्थानीय प्रशासनबीच आगमी दिनको आन्दोलन शान्तिपूर्ण गरिने सहमति भएको थियो । सोही अनुसार बुधबारको आन्दोलन शान्तिपूर्ण भएको हो ।
