एस्पायर कलेजमा कोरियन बिश्वबिद्यालयबाट ५० लाख बराबरको छात्रावृति प्रदान

लुपिक प्रोजेक्टका प्रोजेक्ट मेनेजर समेत रहेका प्रोफेसर होङ काठमाण्डौं विश्वविद्यालयले आयोजना गरेको एस्पायर कलेजका बिद्यार्थी तथा अभिभावकसगको अन्तरकृयात्मक कार्यक्रमका सहभागी एका हुन् ।
कार्यक्रममा आफ्ना भनाइ राख्दै प्रोफेसर होङले भने शिक्षा सामाज रूपान्तरणका लागी हुनुपर्छ । यसका लागि सर्वप्रथम शिक्षक नै सम्वाहक बन्नसक्छ । दक्षिण कोरियाले आज जे जति विकास गरेको छ भने त्यो शिक्षाबाट मात्र सम्भव भएको हो । त्यसैले हामीले नेपाल जस्तो उच्च सम्भावना बोकेको देशमा पनि शिक्षा मार्फत परिवर्तन ल्याउने दुरगामि परियोजना लिएकाछौं ।

कार्यक्रममा बाल्दै प्रो. होङले एस्पायर कलेजको विद्यार्थीहरू प्रतीको लागाव र लगानि, काठमाण्डौं विश्वविद्यालयको मुल्य र मान्यता, सिकाईको प्रभावकारीता र विद्यार्थीहरूको समग्र प्रगती देखेर छात्रावृत्ति प्रदान गरेको बताए । एस्पायर कलेजमा बि.टेक. एड. आई.टी अध्ययनरत सम्पुर्ण विद्यार्थीहरूलाई छात्रावृत्ति प्रदान गरिएको हो जसको कुल रकम ५० लाख भन्दा बढी हुन आउछ ।

कलेजका प्रिन्सपल सिएम बस्नेतले आफुले लिएको २० औं वर्षको लामो शैक्षणिक अनुभव अनुसार विद्यार्थीहरूलाई जीवनपयोगी शिक्षा दिने र काठमाण्डौं विश्वविद्यालयको शैक्षणिक अभ्यास र परम्परालाई पुर्णतः आत्मसात गर्ने बताए । एस्पायर कलेजबाट ब्याचलर गर्ने विद्यार्थी कुनै पनि हालतमा गरीखाने बन्ने र सिप, सस्ंस्कार र प्रवाधिमैत्रि बन्ने प्रमुख बस्नेतले बताए ।

साथै कोभिड–१९को महामारीले थला परेको हाम्रो जस्तो देशमा कोरियन युनिभर्सिटीले विद्यार्थीको उन्नती प्रगतीका लागि देखाएको चिन्ता सर्हानिय छ । कलेज समग्र रुपमा दक्ष जनशक्ति उत्पादनमा केन्द्रित रहेको र सोही अनुसारका बिषयहरु अध्यापन गराइएको हुँदा कोशी प्रदेश तथा मधेस प्रदेशका बिद्यार्थीहरु लाभान्वित हुनसक्ने अवस्था रहेको र कोरियन बिश्वबिद्यालयको छात्रवृत्तिले अझ बिद्यार्थी र अभिभावकलाई प्रेरणा जगाएको उनले बताए ।

कार्यक्रममा कलेजका आइ टि संकायका को–अर्डिनेटर खेमनाथ खतिवडाले कोभिडका कारण थलिएको अर्थ तन्त्र र यसले समग्र बिश्वमा पारेको असरका बाबजुत पनि कोरियन छात्रवृत्ति प्रदान गरेकोमा धन्यवाद ज्ञापन गरे । साथै यसबाट बिद्यार्थीलाई आफ्नो शैक्षिक अभिवृद्धिका लागि ठूलो सघाउ पुर्याउने बिश्वास ब्यक्त गरे ।

कार्यक्रममा काठमाण्डौं विश्वविद्यालय स्टिम एजुकेशनका हेड अफ डिपार्टमेन्ट एसिस्टेन्ट प्रोफेसर बिनोदप्रसाद पन्तले विराटनगरका तथा आसपासका क्षेत्रका २० बटा विद्यालयका नेतृत्वकर्ताहरूसँग स्टिम एजुकेसन सम्बन्धि अन्तर्कृया कार्यक्रमको आयोजना गरिएको बताए ।

अन्तर्कृयामा विभिन्न बिधालयबाट उपस्थित प्रधानाध्यापक तथा संचालकहरुले यस विषयमा आफ्नो जिज्ञासा राखे ।
एस्पायर कलेजमा काठमाण्डौं विश्वविद्यालयबाट साझेदारी रूपमा बिटेक एडआईटी र बिपिएच। (ब्याचलर अफ प्रोफेशनल हस्रिटालिटी–होटेल म्यानेजमेन्ट) कार्यक्रमहरू सञ्चालनरहेका छन् । विश्वविद्यालयले यही अगस्ट पहिलो हप्तादेखि दुवै कार्यक्रममा नया भर्नाको शुरूवात समेत गर्दैछ ।