खबर पूर्वाञ्चल
पक्राउ पर्नेमा भेन चालक विराटनगर– २ का ५२ वर्षीय विमल कामत, भारत विहार कटीहारका ६१ बर्षीय विनोदकुमार मुरारका र ५६ वर्षीया पुष्पा मुरारका रहेका छन् । उनीहरु सवार को २ च १४९५ नम्वरको इको भ्यानबाट ५३ तोला सुन, ६ किलो चाँदी र सात लाख ९५ हजार २ सय रुपैयाँ भारतीय रुपैयाँ पनि बरामद भएको प्रहरीले जनाएको छ । बरामद गरिएका सामानहरु ९० लाख मूल्य बरावरको रहेको प्रहरीको दाबी छ ।
विराटनगर २ का कामत केएल दुगड ग्रपुका सवारी चालक हुन भने विनोद र पुष्पा श्रीमान श्रीमती हन् । विनोद केएल दुगड ग्रुपका लेखापाल रहेको प्रहरीले बताएको छ ।
शुक्रबार दिउँसो साढे ३ बजे कोशी प्रदेश प्रहरी कार्यालय विराटनगरबाट परिचालन भएको प्रहरी वरिष्ठ नायव निरीक्षक फिरोज चौधरीसहितको टोलीले उनीहरुलाई पक्राउ गरेको हो ।
थप अनुसन्धानका लागि उक्त सामानसहित सामाग्रीहरु जिल्ला प्रहरी कार्यालय मोरङमा पठाइएको प्रदेश प्रहरी कार्यालय विराटनगरले जनाएको छ ।
