खबर पूर्वाञ्चल
मिल्स क्रिकेट क्लब एण्ड एकेडेमीको आयोजनामा विराटनगरको जुट मिलको खेल मैदानमा भएको उद्घाटन खेलमा विराटनगरको होराइजन क्रिकेट क्लवले भारत जोगबनीको प्रशान्त क्रिकेट क्लवलाई ४५ रनले पराजित गरेको छ ।
टस जितेर ब्याटिङ गरेको होराइजनले निर्धारित २० ओभरमा ९ विकेट गुमाई १ सय ५६ रनको विशाल स्कोर खडा गरेका थियो । होराइजनकालागि फिर्दोश अन्सारीले ३० रन बनाउँदा , निरज मुखियाले २२ रन, समिर कार्कीले १५ रन र दिपेश कँडेलले १२ रनको योगदान दिए । जोगबनीका सुमित, जयन्त र फैजानले २–२ विकेट लिए ।
जवाफमा १ सय ५७ रनको विशाल स्कोर पछ्याएको जोगबनीले पुरै ओभर खेल्दै ९ विकेट गुमाई १ सय ११ रनमा सिमित भयो । जोगबनीका पसान्तले २० रन बनाउँदा सुमितले १९ रन, राजाले १६ रन र जयन्तले नटआउट १५ रनको योगदान दिए । होराइजनका नेपालका यु–१९ का अन्तराष्ट्रिय खेलाडि दिपेश कँडेलले ३ विकेट लिँदा श्रवण किस्कु र दिपकराज जोशीले २–२ विकेट तथा फिर्दोस अन्सारी र मिनस थापाले १–१ विकेट लिए । खेलको म्यान अफ द म्याच होराइजनका अलराउण्डर खेलाडि फिर्दोस अन्सारी घोषित भए ।
चैत २५ गतेसम्म सञ्चालन हुने प्रतियोगिता भारतको ७ र नेपालको ११ गरी १८ वटा टिमको सहभागि हुने मिल्स क्रिकेट क्लब एण्ड एकेडेमीको अध्यक्ष मुरली चौधरीले जानकारी दिए ।
प्रतियोगिताको विजेताले नगद १ लाख ११ हजार रुपैयाँ र शिल्ड प्राप्त गर्नेछन भने उपविजेताले ६१ हजार रुपैयाँ पाउँनेछन् । म्यान अफ द सिरिज हुने खेलाडीले नगद १५ हजार, उत्कृष्ट ब्याटर र उत्कृष्ट बलरले ११ हजार, उदयमान खेलाडीले ५ हजार रुपैयाँ पाउँनेछन् । यस्तै दैनिक म्यान अफ द म्याच हुने खेलाडीले १ हजार १ सय रुपैयाँको साथै आर्षकण गिफट ह्याम्पर प्राप्त गर्नेछन् ।
प्रतियोगिता सम्पन्न गर्न करिव २६ लाख रुपैयाँ खर्च हुने आयोजकले अनुमान गरेको छ । प्रथम संस्करणको मिल्स क्रिकेट प्रतियोगिताको विजेता पूर्वाञ्चल एकेडेमी भएको थियो ।
तपाईको प्रतिक्रिया