महानगरपालिकाले शुरु गरेको पार्किङ्ग निषेध अभियानलाई स्थानिय व्यापारीहरू उत्रीए आन्दोलनमा

व्यापारीले सडकमा पार्किङ्ग निषेध गर्दा पसलसम्म आएर सवारी राख्न समस्या भएको, सेवाग्राहीले तोकिएको पार्किङ स्थलमा सवारी रोकेर पसलसम्म आईनपुगेको दावी गरेका छन् । महानगरले पहिलो चरणमा जलजलाचौकदेखि अस्पताल चौकसम्मको सडकलाई पार्किङ निषेधित गरेको थियो । य महानगरले पहिलो चरणमा जलजलाचौकदेखि अस्पताल चौकसम्मको सडकलाई पार्किङ निषेधित घोषणा गरेर पुरानो जलजला हल उत्तरतर्फ जुत्ता–चप्पल मेला लाग्ने स्थान र ग्रिनक्रस अस्पताल पछाडीको खाली जग्गालाई पार्किङ स्थल घोषणा गरेको छ ।

तर महानगरको यो निर्णयले सेवाग्राही पसलमा नआउँदा व्यवसाय धरासायी भएको भन्दै व्यापारीले महानगरको ध्यानाकर्षणका लागि आन्दोलन गर्न बाध्य भएको बताएका छन् । महानगरपालिकाले गरेको कार्यले व्यवसाय गर्नेलाई समस्या परेको भन्दै उनीहरुले महानगरपालिकाको ध्यानाकर्षण गराउन विरोधमा उत्रिएको बताए ।

सोमबार महावीर रोडका व्यापारीहरू सटर नै बन्द गरेर आन्दोलनमा उत्रिएका थिए । उनीहरूले महानगरविरुद्ध विभिन्न नारा लगाउँदै महानगरपालिका घेराउ गरे । उनीहरूले व्यापारी र सेवाग्राहीलाई पार्किङ गर्न छुट दिनुपर्ने माग गरेका छन् ।

लामो समयदेखि विराटनगरमा सार्वजनिक पार्किङ अभाव रहेको गुनासो उठ्दै आएको थियो । त्यसको सम्बोधन महानगरपालिकाले गर्ने प्रयत्न गरेपनि अहिले त्यसको विरोध सुरु भएको छ ।

महानगरपालिकाले शनिमन्दिर–जलजलाचोक, शनिमन्दिरदेखि महावीर रोड सम्मको क्षेत्रलाई पनि पार्किङ निषेधित घोषणा गरेको छ । यसका लागि महावीर रोडमा चार कठ्ठा जग्गा पार्किङस्थलको रूपमा तोकेको छ । अन्य सडकलाई पनि पार्किङ निषेधित क्षेत्र घोषणा गर्ने महानगरको तयारी छ ।