RUMPUM
animated ellipse animated ellipse

हिसान स्पोर्टस् विकको क्रिकेटमा कान्तीपुर र विकेभिएम फुटबलमा रेड स्टार, जनक मेमोरियल र शिक्षादिप तथा भलीबलमा मोर्डन एरा र अर्किडलाई सफलता

KhabarPurwanchal-Logo

खबर पूर्वाञ्चल

११ माघ २०७९, बुधबार १९:११
522
Shares
विराटनगर / हिसान स्पोर्टस् मिटको ११ औं संस्करणको क्रिकेटमा कान्तीपुर कलेज र विकेभिएम कलेज तथा फुटबलमा रेड स्टार कलेज, जनक मेमोरियल कलेज र शिक्षादिप कलेज तथा भलिबल मोर्डन एरा र अर्किड कलेज मा विजय भएका छन् ।

बुधबार वैजनाथपुरमा रहेको क्रिकेटको पहिलो खेलमा कान्तीपुर कलेजले मेरिल्याण्ड कलेजलाई ५७ रनले पराजित गरेको छ । टस जितेर ब्याटिङ गरेको कान्तीपुरले निर्धारित २० ओभरमा ३ विकेट १ सय ४५ रनको विशाल योगफल तयार पारेको थियो । जस्मा म्यान अफ द म्याच राज वर्माले अविजित ५४ रन बनाउँदा नवराज संग्रौलाले अविजित ३१ रन र भोला सेठले २७ रनको गोगदान दिए ।

मेरिल्याण्डका अविजित राँय र अभय मण्डलले १–१ विकेट लिए । जवाफमा १ सय ४६ रनको विशाल लक्ष्य पछ्याएको मेरिल्याण्डले निर्धारित ओभर खेल्दै ८ विकेट गुमाई ८७ रनमा बनायो । जस्मा मिथलेश पोद्धारले सर्वाधिक २१ रनको योगदान दिए । कान्तीपुरका अविशेक मण्डलले २ विकेट लिए ।

दोस्रो खेलमा विकेभिएम कलेजले कोबास कलेजलाई ७ विकेटले पराजित गरेको छ । टस जितेर ब्याटिङ गरेको कोबासले निर्धारित २० ओभरको खेलमा १८ ओभरमा सवै विकेट गुमाई ९७ रनको समान्य योगफल खडा गरेको थियो । जस्मा दिपेश मण्डलले २२ रनको योगदान दिए ।

विकेभएमका म्यान अफ द म्याच विक्रम मेहताले ४ विकेट लिँदा विजय यादवले पनि ३ विकेट लिए । जवाफमा ९८ रनको सामान्य योगफल पछ्याएको विकेभिएमले १३ ओभरमा ३ विकेट गुमाउँदै सो विजयी लक्ष्य पार गरेको छ । जस्मा शिभम यादवले २२ रनको योगदान दिए । कोवासका अभय यादव र दिपेश मण्डलले १–१ विकेट लिए ।

बुधबार विराटनगरको शहिदमैलानमा भएको फुटबलको पहिलो खेलमा पथरीको रेड स्टार कलेजले विराटनगरको लर्डबुद्ध कलेजलाई ४–१ को गोल अन्तरले पराजित गरेको छ । रेड स्टारका म्यान अफ द म्याच सुरज लिम्बुले ह्याट्रिकसहित ३ गोल र संजोग राईले १ गोल गर्दा पराजित लर्डबुद्धका अनुज ताजपुरियाले १ गोल फर्काए ।

दोस्रो खेलमा ग्रमथानको जनक मेमोरिय कलेजले विराटनगरको कान्तीपुर कलेजलाई पेनाल्टी सुट आउटमा ३–१ को गोल अन्तरले पराजित गरेको छ । निर्धारित मिनेटमा दुवै टिमले गोल रहित बराबरी खेलेपछि खेलको निर्णय पेनाल्टी सुट आउटबाट भएको हो । खेलको म्यान अफ द म्याच जनकका गोलकिपर जिवनकुमार सरदार थारु घोषित भए ।

तेस्रो खेलमा शिक्षादिप कलेजले अरनिको कलेजलाई १–० को गोल अन्तरले पराजित गरेको छ । खेलको एकमात्र निर्णायक गोल शिक्षादिपका बुद्ध श्रेष्ठले गरे । उनी खेलको म्यान अफ द म्याच घोषित भए ।

बुधबार भएको भलिबलको पहिलो खेलमा छात्रतर्फ मोर्डन एरा कलेजले कोशी क्याम्पसलाई २–१ को सेटले पराजित गरेको छ । खेलको म्यान अफ द म्याच मोर्डन एराका अर्जुन दंगाल घोषित भए । त्यैसे गरि छात्रातर्फ अर्किड कलेजले पथरिको रेड स्टार कलेजलाई २–१ को सेटले पराजित गरेको छ । खेलको म्यान अफ द म्याच अर्किडकी राशिका परियार घोषित भइन् ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर