खबर पूर्वाञ्चल
दुई दशक भन्दा बढी प्रेस युनियनको राजनीतिमा सक्रिय रहेर काम गर्दै आएका रेग्मीले युनियनको १ कार्यकाल केन्द्रीय उपाध्यक्ष र १ कार्यकाल प्रदेश संयोजक भएर काम गरिसकेका छन । युनियनको महाधिबेशन यही साउन ६ र ७ गते बागमती प्रदेशको राजधानी हेटौडामा हुँदैछ ।
रेग्मीले नेपाल प्रेस युनियनको खुल्लातर्फबाट राष्ट्रिय उपाध्क्षमा उम्मेदवारी दुई साता अघिनै घोषणा गरेका हुन । उनले आफू सधै श्रमजीवी पत्रकारको साथमा रहेको बताउदै , श्रमिजीवी पत्रकारहरुको पक्षमा कसैसँग सम्झौता नगर्ने , पत्रकारहरुको हकहित र पेशागत सुरक्षा र पत्रकारको क्षमता अभिवृद्धिका लागी काम गर्ने प्रतिवद्धता समेत व्यक्त गरेका छन ।
हाल विराटनगरबाट संचालनमा रहेको रेडियो स्टारको अध्यक्ष समेत रहेका रेग्मी यस अघि अन्नपूर्ण पोष्ट , हिमालय टाईम्स , स्पेस टाईम , देउराली दैनिक , लोकपत्र दैनिक, विराटपथ दैनिक र विभिन्न साप्ताहिकहरुमा काम गरेको लामो अनुभव उनीसँग छ ।
तीन दशकदेखि पत्रकारिता क्षेत्रमा सक्रिय रेग्मी प्रदेश १ बाट खुल्ला उपाध्यक्षमा उम्मेदवार बन्ने एक्ला दावेदार हुन । खुल्ला उपाध्यक्षमा देशभरबाट २ जना निर्वाचित हुने प्रावद्यान छ । महाधिबेशनमा देशभरिबाट १६ सय ५० जना केन्द्रीय प्रतिनिधि सहभागि हुँदैछन ।
