RUMPUM
animated ellipse animated ellipse

गाउँघरमा उत्पादित अन्न र फलफूल प्रयोग गरी कुपोषण हटाउनु पर्छ

KhabarPurwanchal-Logo

खबर पूर्वाञ्चल

७ असार २०७९, मंगलवार १७:५६
144
Shares
विराटनगर / मोरङको दक्षिण क्षेत्रमा मातृ तथा बाल बालिकामा देखिएको कुपोषण न्यूनिकरणमा पालिकाले विशेष बजेट छुट्याउनु पर्ने देखिएको छ ।

गरीवी, अशिक्षा चेतनाको कमिका कारण यस क्षेत्रमा गर्भवती महिलाको मृत्यु र बाल कुपोषण देखिएकोले स्थानीय तहले विशेष कार्यक्रम सञ्चालन गर्नुपर्ने टड्कारो देखिएको सहभागीले सुझाव दिए । जिल्ला स्वास्थ्य कार्यालय मोरङ र नेपाल जनस्वास्थ्य तथा शिक्षा समूह(नेफेक)द्वारा आज विराटनगरमा आयोजित मातृ तथा बाल स्वास्थ्य र पोषण परियोजना जिल्ला स्तरीय अभिमुखिकरण कार्यक्रममा सहभागीहरुले बालवालिका राष्ट्रका भोलिका कर्णधार भएका हुनाले गाउँघरमा उत्पादन हुने अन्न लगायत फलफुलको प्रयोगका सम्वन्धमा समाजमा जनचेतना जागृत गराउनु पर्नेमा जोड दिए ।

कार्यक्रममा धनपालथान गाउँपालिकाका अध्यक्ष जयप्रकाश गच्छदार थारु,जहदा गाउँपालिकाका उपाध्यक्ष हन्ना सोरेन, जहदा गाउँपालिका कार्यकारी अधिकृत शुर्वण घिमिरे , जिल्ला स्वास्थ्य कार्यालयका प्रमुख डा. सुरेश मेहता, नेफेकका अध्यक्ष सुशिलराज दाहाल, कार्यक्रम संयोजक सुधिर चिलवालले आगामी पुस्तालाई स्वस्थ्य र सक्षम बनाउन सबैले हातेमालो गरी पोषण कार्यक्रमलाई प्रोत्साहन गर्नुपर्नेमा जोड दिए ।

अभिमुखीकरण कार्यक्रममा मोरङको दक्षिण पालिकाहरु कटहरी, धनपालथान, ग्रामथान,रंगेली, सुनवर्षी,जहदा र रतुवामाईका प्रमुख, उपप्रमुख , अध्यक्ष, उपाध्यक्ष, प्रशासकीय अधिकृत, शिक्षा, स्वास्थ्य र कृषि शाखाका प्रमुखहरुको सहभागिता रहेको थियो ।

प्रदेश १ मा उमेर अनुसार एक चौथाई वालवालिकामा कुपोषणमा रहेका छन् भने खिउटेपन १४ दशमलव ३ प्रतिशत रहेको सोही अवसरमा जानकारी दिइयो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर