खबर पूर्वाञ्चल
वर्षाका कारण शहीद रंगशालामा हिलो भएपछि विराटनगर–९ ठाकुरवाडीस्थित सरस्वती माविको खेलमैदानमा प्रतियोगिता सुरु भएको हो ।
प्रतियोगिताको उद्घाटन विराटनगर महानगरपालिकाका प्रमुख नागेश कोइरालाले गरे । प्रतियोगिताको उद्घाटन समारोहलाई सम्बोधन गर्दै कोइरालाले शारीरिक र मानसिक स्वास्थ्यका लागि खेलकुद अपरिहार्य भएको बताए । उनले विद्यालयको पठनपाठनसँगै खेलकुदमा पनि लाग्न विद्यार्थीहरुलाई आग्रह समेत गरे । राष्ट्रियस्तरको प्रतियोगिता जितेर आउने विद्यार्थीलाई महानगरले पुरस्कृत गर्नेसमेत उनले बताए ।
कार्यक्रममा महानगरपालिकाको शैक्षिक प्रशासन महाशाखा प्रमुख दुर्गाप्रसाद खतिवडाले महानगरका माध्यमिक स्तरका विद्यार्थीहरुले प्रतियोगितामा प्रतिस्पर्धा गर्ने जानकारी दिए । उनले तीनदिनसम्म सञ्चालन हुने प्रतियोगिताका उत्कृष्ट खेलाडीले पालिकास्तरीय प्रतियोगितामा भाग लिने उनको भनाइ थियो ।
प्रतियोगितामा भलिबल, कबड्डी, दौड, कराँते, तेक्वान्दो, उसु, हाइजम लमजमलगायतका खेल समावेश गरिएको छ । प्रतियोगितामा महानगरपालिकाभित्रका १३ विद्यालयका करिब ५ सय विद्यार्थीले प्रतिस्पर्धा गर्नेछन् ।
तपाईको प्रतिक्रिया