खबर पूर्वाञ्चल
मोरङका प्रमुख जिल्ला अधिकारी कोशीराज दाहालको संयोजकत्वमा गठित प्रजातन्त्र दिवस मूल समारोह समितिको आयोजनामा नेपाल रेडक्रस सोसाइटी र कोशी अस्पतालको संयुक्त संयोजनमा अस्पतालमाको प्राङ्गणमा आज आयोजित खुल्ला रक्तदानमा मन्त्री कार्कीले रक्तदान गरेका हुन् ।
सो अवसरमा अस्पतालका चिकित्सक, स्वास्थ्यकर्मी, निजामती कर्मचारी, सशस्त्र प्रहरी एवंं सर्वसाधारणले समेत रक्तदान गरे ।
प्रजातन्त्र दिवस फागुन ६,७ र ८ गते भव्य रुपमा मनाउने कार्यक्रम अनुसार आज अन्तिम दिन रक्तदान कार्यक्रमको आयोजना गरिएको छ ।
दिवसको उपलक्ष्यमा यस अघि नगरको सरसफाई, घरघरमा दिपावली , सार्वजनिक स्थानमा राष्ट्रिय झण्डा फहराउने, वृद्धाश्रम, मानवसेवा आश्रममा फलफूल वितरण, अन्तरसम्वाद लगायतका कार्यक्रम सम्पन्न भै सकेको छ ।
