MERRYLAND
KANTIPUR COLLEGE

नोबेल अतिरिक्त शुल्क प्रकरण : विद्यार्थीहरुले गरे सिडिओ कार्यालय घेराउ

खबर पूर्वाञ्चल, २८ पुष २०७८, बुधबार १९:४४
540
Shares

विराटनगर / विराटनगरस्थित नोेबेल मेडिकल कलेजले नियम विपरित शुल्क असुल गरेको विरुद्धमा आन्दोलित विद्यार्थीहरुले आज सिडिओ कार्यालय घेराउ गरेका छन् ।

चिकित्सा शिक्षा आयोगद्वारा निर्धारित शिक्षण शुल्क विपरित विभिन्न शीर्षकमा अतिरिक्त शुल्क असुल गरेको भन्दै विद्यार्थीहरुले जिल्ला प्रशासन कार्यालय घेराउ गरेका हुन् । आज नोबेल मेडिकल कलेजमा चर्को नाराबाजी पश्चात अपरान्ह २ बजे उनीहरुले जिल्ला प्रशासन कार्यालय घेराउ गरेका हुन् । उनीहरु १ घण्टा धर्ना समेत बसेका छन् । कलेजले आयोगद्वारा शिक्षण शुल्क मात्र लिन पाउने, निर्धारित शिक्षण शुल्कमै पठनपाठन पुनः सुचारु हुनुपर्ने र होस्टेल शुल्क नियमसम्मत हुनुपर्ने उनीहरुको माग छ । विद्यार्थीहरुको माग सम्बोधन नभएसम्म आन्दोलन जारी रहने उनीहरुको चेतावनी छ ।

चिकित्सा शिक्षा आयोगले एमबीबीएस अध्ययन गर्ने विद्यार्थीको शिक्षण शुल्क ४४ लाख ३६ हजार ५२ निर्धारण गरेको छ । तर, नोबेल शिक्षण अस्पतालले विश्वविद्यालय सम्बन्धन शुल्क, रजिष्ट्रेशन शुल्क, परीक्षा शुल्क र होस्टेल शुल्क लगायतका विभिन्न शीर्षकमा विद्यार्थीहरुसँग ३५ देखि ४० लाख रुपैयाँ अतिरिक्त असुल गर्दै आएको छ । चिकित्सा शिक्षा आयोगले छात्राबास ऐच्छिक हुने निर्णय गरेको भएपनि नोबेलले त्यसलाई अनिवार्य गरेर विद्यार्थीहरुसँग मासिक २४ हजार असुल गर्ने गरेको छ । यसबाहेक कलेजले खानाको ७ हजार र बिजुलीबत्तीको समेत बेग्लै शुल्क लिने गरेको छ ।

यसका अतिरिक्त नोबेल मेडिकल कलेजले एमबीबीएस अध्ययनरत विद्यार्थीहरुसँग काठमाण्डौं विश्वविद्यालय रजिष्ट्रेशन शुल्क बापत २५ हजार, काठमाण्र्डौ विश्वविद्यालय सम्बन्धन शुल्क बापत ९८ हजार ५ सय ७९, नोबेल मेडिकल कलेज रजिष्टे«शन शुुल्क बापत ५ हजार र काठमाण्डौं विश्वविद्यालय परीक्षा शुल्क बापत एकमुष्ठ ११ हजार असुल गर्ने गरेको विद्यार्थीहरु बताउँछन् ।

कलेजले भने अनुसारको पैसा नतिर्ने विद्यार्थीहरुलाई पठनपाठनबाट समेत बञ्चित गराउने गरिएको उनीहरुको भनाई छ । सोही विरुद्ध पौषको पहिलो हप्तादेखि संयुक्त विद्यार्थी संगठनको ऐक्यबद्धतासहित नोबेलको एमबीबीएस १५ औं ब्याचका विद्यार्थीहरु निरन्तर आन्दोलनमा छन् । तर, कलेजले हालसम्म उनीहरुको माग सुनुवाई गरेको छैन् ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

SAGARMATHA
GREENLAND
Export
ORCHID
ARNIKO
Arya-hospital-add-banner
खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५