नीजी क्षेत्रद्वारा सञ्चालित इटहरीको सुबिधा सम्पन्न आइसोलेसन सञ्चालनमा

खबर पूर्वाञ्चल, ११ जेष्ठ २०७८, मंगलवार १६:४३

सुनसरी / इटहरीमा निजी क्षेत्रको अगुवाइमा अक्सिजनसहितको ८० शैयाको आइसोलेसन आजबाट संचालनमा आएको छ ।

सिमित ब्यक्तिहरु सहभागी भएर सामान्य कार्यक्रम गरी आइसोलेसन आजबाट सञ्चालनमा आएको घोषणा गरिएको हो ।

कार्यक्रमका प्रमुख अतिथी इटहरी उपमहानगरपालिकाका नगरप्रमुख द्धवारिकलाल चौधरीको शुभकामना मन्तब्यसंगै आइशोलेशन आजबाट सञ्चालनमा आएको घोषणा गरिएको हो ।

इटहरी–१० स्थित पिपुल्स मल्टिपल हेल्थ इन्सिच्युटको भवनमा उद्योग वाणिज्य संघ इटहरीको अगुवाईंमा अक्सिजनसहितको आइसोलेसन एक साताअघि नै तयार गरिएपनि आजबाट सञ्चालनमा आएको हो । नेपाल प्रेस युनियन सुनसरी, युवा उद्यमी मञ्च इटहरी, श्रीकृष्ण प्रणामी मन्दिर र मारवाडी सेवा समिति इटहरीले आइसोलेसन सञ्चालनमा साथ दिएका छन् ।

नीजी क्षेत्रको पहलमा सञ्चाल नभएको सुविधा सम्पन्न आइसोलेसनले इटहरी नगरबासीलाई ठुलो राहत मिल्ने नगर प्रमुख चौधरीले बताए । उनले नीजी क्षेत्रको यो पहल उदाहरणीय भएको भन्दै प्रशंशा समेत गरे ।

तीन तल्ले भवनमा सञ्चालित सुविधा सम्पन्न आइसोलेसनमा प्राविधिक रुपमा डाक्टर र नर्ससहितको सुविधा रहेको छ । पछिल्लो समय सुनसरीसहित आसपासका क्षेत्रमा कोरोना भाइरस संक्रमण तिब्र भएपछि स्थिति नियन्त्रण बाहिर जान नदिनकालागि निजी क्षेत्रको अगुवाइमा आइसोलेसन तयार गरिएको मारवाडी सेवा समिति इहरीका अध्यक्ष मुकेश अग्रवालले बताए ।

स्थानीय तहले निर्माण गरेका कतिपय आइसोलेसनमा विरामी बस्न नमानेको गुनासो बढिरहेको बेला सञ्चालन भएको सुविधा सम्पन्न यो आइसोलेसनमा संक्रमितलाई खाना र बस्न निःशुल्करहेको छ । यसका साथै विभिन्न खेलकुदका सामाग्री, विभिन्न पुस्तक, उच्चगतिको इन्टरनेट र टेलिभजनको सुविधा समेत रहेको प्रेस युनियन सुनसरीका अध्यक्ष पवन अधिकारीले जानकारी दिए । आइसोलेसनमा निशुल्क एम्बुलेन्स सेवाका साथै नोबेल अस्पतालसंगको सहकार्यमा ७ सय ५० रुपैयामा पिसिआर जांच गर्ने सुविधा पनि रहेको अधिकारीले बताए ।

इटहरी उपमहानगरपालिकाले पनि इटहरी रंगशालामा ५० शैयाको आइसोलेसन तयार गरेको छ । गत वर्ष एक सय शैया क्षमता सञ्चालित यो आइसोलेसन यस वर्ष ५० शैयामा सीमित गरिएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५