मोरङ एमालेमा पदाधिकारी निर्विरोध, अध्यक्षमा पुनः पोखरेल

निर्वाचन तालिका अनुसार अध्यक्षमा ऋषिकेश पोखरेल, उपाध्यक्षमा बाबुराम कार्की, सचिवमा रुपेश खतिवडा, सहसचिवमा शान्तिकुमारी लिम्बू र सन्तोष साहको मात्रै उम्मेद्वारी परेको हो । उक्त पदमा अन्यको उम्मेद्वारी नपरेपछि स्वतः निर्विरोध भएको हो ।

यसै गरी १६५ जनाको जिलला समितिमा ४ सयको हाराहारीमा उम्मेदवारी परेको बताइएको छ । उम्मेदवारी फिर्ताको समय भोलि दिउँसो ३ बजेसम्मका लागि राखिएको छ ।

मतदान भने पर्सि नेकपा एमाले पार्टी कार्यालय पाञ्चालीमा व्हिान १० बजेदेखि हुने बताइएको छ । नेतृत्व टुगो लागिसकेकोले भोलि सम्ममा सदस्य पदमा समेत सर्व सम्मत हुन सक्ने एमालेकै नेताहरूको भनाइ रहेको छ ।