प्रदेश सरकारले खेलकूदलाई उच्च प्राथमिकतामा राखेको छ–मुख्यमन्त्री राई

खबर पूर्वाञ्चल, १४ मंसिर २०७८, मंगलवार १९:५४

विराटनगर । प्रदेश १ का मुख्यमन्त्री राजेन्द्रकुमार राईले प्रदेश सरकारले खेलकूदलाई उच्च प्राथमिकतामा राखेको बताएका छन् ।

प्रदेश १ आइटिफ तेक्वाण्डो सङ्घको २० औं बार्षिकोत्सवको अवसरमा आज विराटनगरमा आयोजित उत्कृष्ट महिला र पुरुष खेलाडी, प्रशिक्षक , जिल्ला र डोजाङलाई सम्मान कार्यक्रमको उद्घाटन गर्दै उहाँले खेलकूदलाई प्रविधिसंग जोडी व्यवसायिकरण गरी आय आर्जनको माध्यम बनाउनमा विशेष ध्यान दिने धारणा राखे ।

मुख्यमन्त्री राईले ताइकाण्डोले दक्षिण एशियाली खेलकूद र एसियन खेलकूद प्रतियोगितामा नेपालले सवैभन्दा धेरै पदक जित्न सफल भएको स्मरण गराउनु हुदै ओलम्पिक प्रतियोगितामा पदक जित्ने लक्ष्यका साथ कार्य गर्नु पर्ने आवश्यक्ता रहेको बताए । उनले प्रदेशका दुर्गम क्षेत्रमा खेलकूद सामाग्रीको अभावका कारण खेलाडीहरुको प्रशिक्षणमा समस्या भएको चर्चा गर्दै आगामी दिन सरकारले यसका लागि थप बजेटको व्यवस्था गर्ने प्रतिवद्धता व्यक्त गरे ।

मुख्यमन्त्री राईले प्रदेशमा खेलकूद अधिकतम प्रतियोगिता गर्न आवश्यक बजेटको व्यवस्था गरिएको जानकारी दिदै बजेटको सही ढंगले सदुपयोग गर्न आग्रह गरे ।

प्रदेशका मुख्य न्यायाधिवक्ता भोजराज श्रेष्ठले खेलकूदको विकासका लागि आवश्यक बजेटको व्यवस्थाका लागि कानून परिमार्जन गर्ने विश्वास दिलाए । आइटिफका तेक्वाण्डोका प्रदेश अध्यक्ष प्रवीणकुमार कार्की, नेकपा एकिकृत (समाजवादी)का पोलिटव्यूरो सदस्य महेश रेग्मी, आइटिफएकका प्रदेश उपाध्यक्ष चतुरलाल चौधरी र रविन नगरकोटीले राष्ट्रको पहिचान दिलाउन ताइकाण्डोले महत्वपूर्ण भूमिका निर्वाह गरेको बताए ।

सो अवसरमा मुख्यमन्त्री राईले प्रदेश उत्कष्ट महिला खेलाडीमा झापाकी दीक्षा लिम्वु, पुरुष खेलाडीमा झापाका मिशन श्रेष्ठ,प्रशिक्षकमा राजेन्द्र धिमाल मोरङ,उदयमान प्रशिक्षक नितेश खवास मोरङ , उत्कष्ट जिल्लामा सुनसरी र उत्कृष्ट डोजाङमा मोरङको कानेपोखरीलाई सम्मान गरे ।

आइटिफ प्रदेशको १२ जिल्लामा चार सय महिला सहित एक हजार एक सय खेलाडीले दैनिक प्रशिक्षण लिइरहेका छन् ।

संङ्घले बार्षिकोत्सवको उपलक्ष्यमा सप्ताहव्यापी रुपमा विभिन्न जिल्लामा प्रतितियोगिता, रक्तदान कार्यक्रम आयोजना गर्ने जनाएको छ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

PABSON
SBSC
Sitala Subaa
mani Sir
MINILYAND
jagat Sir
SURENDRA

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५