किसानलाई मलको महत्व बुझाउँदै कृषि विज्ञ

खबर पूर्वाञ्चल, २९ कार्तिक २०७८, सोमबार १८:०९

विराटनगर / साल्ट ट्रेडिङ कर्पोरेशन लिमिटेड विराटनगर कार्यालयले कृषि विज्ञहरूलाई लिएर किसानहरूलाई रासायनिक मलको प्रयोगको विषयमा जानकारी गराएको छ । साल्ट टे«डिङले सुनसरी र मोरङका किसानहरूलाई रासायनिक मलको प्रयोगको विषयमा जानकारी गराएको हो ।

उत्पादन बढाउन रासायनिक मलको अत्याधिक प्रयोग गर्ने ठाउँमा माटोको अवस्था खराब पाइएको छ । खेती योग्य जमिनमा कति मात्रमा रासायनिक मलको प्रयोग गर्न सकिन्छ र त्यस विषयमा जानकारी दिन काठमाण्डौ देखि कृषि विज्ञ भगवान खतिवडाले कृषकहरूलाई परार्मश गराएका थिए ।

साल्ट टे«डिङले एक हप्तासम्म मोरङको बुधनगर, सुन्दरहरैचा, कानेपोखरी, सुनसरीको कोशी गाउँपालिकालगायतको क्षेत्रमा पुगेर कृषकहरूलाई रासायिन मलको प्रयोगबारेमा जानकारी गराएको साल्ट टे«डिङ विराटनगरका प्रमुख राधेश्याम चौधरीले जानकारी दिए ।

नेपालमा माटोको स्वास्थ्यका बारेमा पर्याप्त चेतना नभएको उत्पादन नै दिन छाडेपछि मात्रै किसान सल्लाहका लागि कृषि कार्यालयमा पुग्ने गर्छन् । ‘अन्तिम अवस्थामा पुगेपछि माटोलाई पहिलेकै अवस्थामा फर्काउन समय लाग्छ, त्यसैले बेलैमा माटो बिग्रन नदिन लाग्नुपर्छ । प्राङ्गारिक मलको प्रयोग, छ्वाली, पराल लगायतलाई मलको रुपमा प्रयोग गरेर र कृषि चूनको प्रयोग बढाएर माटोको अम्लियपना कम गर्न सकिन्छ,’ कृषि विज्ञ खतिवडाले भने ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५