प्रदेश स्तरीय आइटिएफ तेक्वाण्डो प्रतियोगिता सुरू

खबर पूर्वाञ्चल, २६ कार्तिक २०७८, शुक्रबार १८:५८

कानेपोखरी / प्रथम अध्यक्ष कप प्रदेश १ स्तरीय आइटिएफ तेक्वाण्डो प्रतियोगिता सुरू भएको छ ।

कानेपोखरी आइटिएफ तेक्वाण्डो डोजाङ्गको आयोजनामा मोरङको कानेपोखरी गाउँपालिका– ६ स्थित जनसेवा माविको खेलमैदानमा उक्त प्रतियोगिता शुक्रबारदेखि सुरु भएको हो ।

पहिलो दिन इस्पारिङ र प्याटनतर्फको विजेता घोषणा गरिएको छ । इस्पारिङ जुनियर महिला तर्फ २०/२५ केजी तौल समूहका प्रथम सुनसरीका सदिक्षा राई, द्धितीय आयोजक सुनिता तामाङ, तृतीय सुवानी राजभण्डारी र जेनिसा धिमाल भइन् । यस्तै पुरुषतर्फको सिनिय ५०/५५ तौलसमूहको प्रथम सुनसरीका अनोज राई, द्धितीय झापाका मनिष श्रेष्ठ, तृतीय आयोजकका हरी श्रेष्ठ र मोरङका अर्जुन गिरी घोषित भए ।

यसैगरि पहेलो प्याटनतर्फको प्रथम आयोजकका बेनिसा धिमाल, द्धितीय मोरङकी प्रिन्सा कार्की भइन् । महिला हरियो बेल्डतर्फ प्रथम आयोजक स्वतिका माझी घोषित भइन् । यस्तै पुरुषतर्फको पहेलो पेटी प्याटन तर्फको प्रथम आयोजकका आर्यन राई, मोरङका मन्दिप माझी द्धितीय भए । यस्तै पुरुषतर्फको हरियो पेटी प्याटनतर्फको प्रथम आयोजक रिवाज फुयल, द्धितीय मोरङका बिशाल खत्री घोषित भए । यसैगरि पुरुष निलो पेटी प्याटनतर्फको प्रथम आयोजकका आशिष भूजेल भए । पुरुषको रोतो पेटी प्याटनतर्फको प्रथम आयोजकका निश्चल लिम्बु घोषित भए ।

प्रतियोगिता अन्तर्गत अन्य विभिन्न विधाको फाइनल शनिबार हुनेछ । दुईदिनसम्म संचालन हुने प्रतियोगितामा मोरङ, सुनसरी, उदयपुर, झापा, ताप्लेजुङ, इलाम, पाँचथर, संखुवासभा, तेह्रथमु, धनकुटा, भोजपुर, खोटाङ, र आयोजक कानेपोखरी गरि २५० खेलाडी सहभागि छन् । जसमा ९६ जना महिला खेलाडी छन् ।

प्रतियोगिताको उद्घाटन कानेपोखरी गाउँपालिका अध्यक्ष ताराबहादुर काफ्ले गरे । कार्यक्रममा नेपाल आइटिएफका अध्यक्ष अन्जन धमला, नेपाल राष्ट्र मार्सल आट गेम्सका अध्यक्ष प्रविण कार्कीलगायतका उपस्थित रहेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५