एमबाप्पेले पेनाल्टीमा गोल गर्न चुकेपछि साविक विश्व विजेता फ्रान्स युरोकपबाट बाहिरियो

खबर पूर्वाञ्चल, १५ असार २०७८, मंगलवार ०८:३५

विराटनगर / केलिएन एमबाप्पेले पेनाल्टीमा गोल गर्न चुकेपछि साविक विश्व विजेता तथा युरोकपको साविक उपविजेता फ्रान्स युरोकप २०२० को अन्तिम १६ बाट बाहिरिएको छ ।

फान्स पेनाल्टी सुटआउटमा स्विट्जरल्याण्डसँग ५–४ ले पराजित भएपछि युरोकप यात्रा अन्तिम १६ बाट सकिएको हो ।

फान्समाथि ऐतिहासिक जित हात पारेको स्विट्जरल्याण्ड पहिलो पटक युरोकपको क्वाटरफाइनलमा प्रवेश गरेको छ । स्विट्जरल्याण्डले ६७ वर्षयता ठूलो प्रतियोगितामा नकआउट चरणको खेल जितेको यो पहिलो पटक हो ।
रोमानियामा भएको आज विहानको रोमाञ्चक खेलको रोमान्चक खेलको निर्धारित ९० मिनेट र अतिरिक्त समय ३–३ गोलको बराबरीमा सकिएपछि खेल पेनाल्टी सुटआउटमा धकेलेको थियो । पेनाल्टीमा स्विट्जरल्याण्डले बाजी मार्यो ।

पेनाल्टीमा फ्रान्सका पाउल पोग्बा, ओलिभर जिराउड, मार्कुस थुराम र प्रेसनल किम्पेम्बेले गोल गरे भने एमबाप्पे पेनाल्टीमा गोल गर्न चुके । एमबाप्पेको प्रहार स्विट्जरल्यान्डका गोलकिपर यान सोमेरले बचाए ।

उता स्विट्जरल्याण्डका मारियो गाभ्रानोभिच, फाबियन, अकान्जी म्यानुएल, रुबेन भेर्गास र एडमिर मेहमेदीले पेनाल्टीमा गोल गरे।

त्यसअघि निर्धारित समयमा पनि स्वीस टोलीले नै पहिलो अग्रता लिएको थियो । खेलको १५औं मिनेटमा हरिस सेफेरोभिचले गोल गर्दै स्विट्जरल्याण्डलाई अग्रता दिलाएका थिए । ५५औं मिनेटमा स्विट्जरल्याण्डले पेनाल्टी पाएको थियो तर रिकार्डाे रोड्रिगेजले पेनाल्टीमा गोल गर्न नसक्दा स्विट्जरलयाण्डले अग्रता दोब्बर पार्ने अवसर गुमाएको थियो । उनको पेनाल्टी प्रहार फ्रान्सका कप्तान गोलकिपर ह्युगो लोरिसले बचाए ।

करिम बेन्जामा दुई मिनेट अन्तरमा दुई गोल गरेपछि फ्रान्सले अग्रता लियो । बेन्जामाले ५७ औं मिनेटमा बराबरी गोल गरे भने ५९औं मिनेटमा गोल गर्दै फ्रान्सलाई अग्रता दिलाए । यस युरोमा बेन्जामाले व्यक्तिगत चार गोल गरे ।

त्यसपछि खेलको ७५औं मिनेटमा पाउल पोग्बाले गोल गर्दै फ्रान्सलाई ३–१ गोलको अग्रता दिलाए । दुई गोलको अग्रतापछि फ्रान्स जितनजिक थियो । तर ८१ औं मिनेटमा स्विट्जरल्याण्डका सेफेरोभिचले हेडरमार्फत व्यक्तिगत दोस्रो गोल गर्दै खेल ३–२ को स्थितिमा ल्याए ।

९० औं मिनेटमा स्विट्जरल्याण्डका मारियो गाभ्रानोभिचले गोल गरेपछि निर्धारित समयको खेल ३–३ गोलको बराबरीमा सकियो । थप गरिएको ३० मिनेटमा कुनै गोल नभएपछि खेल पेनाल्टी सुटआउटमा पुगेको हो ।

जहाँ स्वीस गोलकिपर यान सोमेर नायक बने । एमबाप्पेको पेनाल्टी प्रहार रोक्दै उनले स्विट्जरल्याण्डलाई ऐतिहासिक जित दिलाउन मद्दत गरे ।

सन १९५४ को विश्वकपमा क्वाटरफाइनल पुगेको स्विट्जरल्यान्ड ६७ वर्षपछि पहिलो पटक मुख्य प्रतियोगिताको क्वाटरफाइनलमा पुगेको हो । अब स्विट्जरल्याण्डले क्वाटरफाइनलमा स्पेनसँग प्रतिस्पर्धा गर्नेछ ।

साविक विजेता पोर्चुगल पछि साविक उपविजेता तथा उपाधि दाबेदार फ्रान्स पनि अन्तिम १६ बाटै आउट भएपछि युरोकप रोमाञ्चक बनेको छ ।

२०१६ मा फ्रान्समा भएको युरोमा सेमिफाइनल खेलेका चारमध्ये तीन टिम पोर्चुगल फ्रान्स र वेल्स बाहिरिसकेका छन् । त्यो बेला सेमिफाइनल खेल्ने बेल्जियम यस पटक क्वाटरफाइनल पुगिसकेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५