हस्तकुमार राईको हत्या गरि फरार रहेका चार जना बन्दुकसहित पक्राउ

खबर पूर्वाञ्चल, २० जेष्ठ २०७८, बिहीबार १६:०७

विराटनगर /मोरङको केराबारी गाउँपालिकाबाट प्रहरीले चार थान बन्दुकसहित चार जनालाई पक्राउ गरेको छ ।

केराबारी ३ का ३२ वर्षीय हस्तकुमार राईको हत्या गरि फरार रहेका चार जनालाई प्रहरीले पक्राउ गरेको हो ।

राईसहित १० जना बाँसघारी खोप सरकारी राष्ट्रिय बनतर्फ शिकार खेल्न गएकोमा जेठ ८ गते गजेन्द्र राईले प्रहार गरेको भरुवा वन्दुकको गोली लागेर हस्तबहादुर राईको मृत्यु भएको थियो । घटनापछि खटिएको प्रहरी टोलीले भरुवा बन्दुक थान १ बरामद गरेको थियो भने लगत्तै प्रतिवादीहरु रुबिन लिम्बू र गजेन्द्रबहादुर राईलाई घरबाटै पक्राउ परेका थिए ।

ज्यान सम्बन्धी र हातहतियार खरखजना कसूरमा अनुसन्धान थालेको प्रहरीले घटनामा संलग्न केराबारी ३ का ४४ वर्षीय डिकबहादुर राई, ३६ वर्षीय बुद्धबिर लिम्बू, १९ वर्षीय रामप्रसाद राई र मोरङको लेटाङ १ का १९ वर्षीय विपन लिम्बू पक्राउ परेका हुन् ।

उनीलाई पक्राउ गर्नुका साथै जिल्ला मोरङ केराबारी गाउँपालिका वडा नं.-३ स्थित बाँसघारी खोप सरकारी राष्ट्रिय वनमा ढलेको सखुवाको रूखको चेपमा माटो तथा पातहरूले छोपी लुकाई राखेको भरूवा बन्दुक थान २, ढुङ्गा माथि पातहरुले छोपी लुकाई राखेको भरुवा वन्दुक १ थान-१,लेटाङ नगरपालिका वडा नं १ स्थित जंगलको ठुलो ढुङ्गाको ओडारमा लुकाई राखेको भरुवा वन्दुक १ थान गरि ४ थान भरुवा वन्दुक बरामद गरी थप अनुसन्धान कार्य भई रहेको मोरङ प्रहरीले जनाएको छ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५