कोकनद्धारा हेल्प डेक्स सञ्चालन

खबर पूर्वाञ्चल, १३ बैशाख २०७८, सोमबार १७:२१

विराटनगर / साझा सवालका लागि साझा मञ्च कोकनले आजदेखि सहायता कक्ष (हेल्प डेक्स) सञ्चालनमा ल्याएको छ ।

कोरोना संक्रमणको दोश्रो लहरले व्यापकता पाएसंगै संक्रमित व्यक्तिहरुका लागि सहायता कक्ष सञ्चालनमा ल्याईएको कोकन अध्यक्ष मञ्जिता उपाध्यायले जानकारी दिइन् । उपचार नपाएका संक्रमितको अवस्थालाई मध्यनजर गर्दै सहायता कक्ष सञ्चालनमा ल्याईएको उनले बताइन् । कोरोना संक्रमणका कारण समस्यामा परेकाहरुल सहायता कक्षको फोन नंं ९७४२३०६४६४ मा सम्पर्क गर्न सक्नुहुने अध्यक्ष उपाध्यायले बताइन् । उनले भने,‘ सहायता कक्षबाट संक्रमित विरामीको स्वास्थ्य उपचारमा सहज पहुँच पु¥याउने उद्देश्यले स्थापना गरिएको हो ।’

विराटनगर वा १ नम्वर प्रदेशका अस्पतालले संक्रमितको उपचार गर्न ईन्कार गरेमा वा जनस्वास्थ्य सम्वन्धी प्रचलित कानुन विपरीतका कार्य गरेमा पीडित वा प्रभावित व्यक्तिले सहायता कक्षमा सम्पर्क राख्न सक्ने उनले बताइन् । उनले प्राप्त भएका गुनासोहरुलाई कोकनका स्वयमसेवकहरुले तत्काल सरकारी अधिकारीहरु समक्ष प्रस्तुत गरी आवश्यक कार्य गर्नका लागि ध्यानाकर्षण गराउने बताइन् । कोकनले महिला, बालबालिका र सिमान्तकृत समुदायको हकअधिकारको क्षेत्रमा लामो समयदेखि काम गर्दै आएको छ ।

 

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५