पंजाव पुलिसले संकटालाई पराजित गर्दै उपाधि नजिक, उपाधिकालागि शनिबार एपिएफसँग भिड्ने

पंजावले विराटनगरको सहिद मैदानमा आज भएको अन्तिम सेमिफाइनल खेलमा विराट गोल्डकपको पूर्व विजेता समेत रहेको संकटालाई १–० गोलले निराश बनाउँदै उपाधि नजिक पुगेको हो ।

पंजावले उपाधिको लागि शनिबार बिभागीय टिम सशस्त्र प्रहरी (एपीएफ) काठमाण्डौंसँग प्रतिस्पर्धा गर्नेछ ।

पहिलो पटक गोल्डकपमा भाग लिएको पाहुना टोली पंजावलाई परमजीत सिंहको निर्णायक गोल फाइनलसम्मको यात्रा तय गरेको हो । परमजितले खेलको ७५ औं मिनेटमा हर्सदिप सिंहले निकालिदिएको क्रस पासलाई सदुपयोग गर्दै गोलमा परिणत गरे ।

दुवै टिम आक्रमक देखिएपछि पहिलो हाफसम्म दुवै टिमको गोल रहित बराबारी खेले । खेलको १४ औं मिनेटमा संकटाका गणेश हमालले दिएको पासलाई ओडे ग्लोरीले गरेको प्रहार पंजावका गोलरक्षक सतवीर सिंहले डाइभ गर्दै बताए । २०७० को विराट गोल्कडपको बिजेता संकटाले यसपटक पनि उपाधि दाबेदारी पेश गर्ने टोलीमध्ये एक थियो । तर पंजाव उसको सपनाको बाधक बन्यो । रक्षापंत्तिको कमजोरीमा संकटा पछि प¥यो । १७ औं मिनेटमा संकटाका तिर्थ बस्नेतले ३० यार्डदेखि गरेको प्रहार बाहिरियो । खेलको ३० औं मिनेटमा पंजावका राजविर सिंहको वान भर्सेस वानको प्रहार संकटाको गोल रक्षक राजाबावु थापाले उत्कृष्ट बचाउँदा पहिलो हाफमा गोल गर्ने अवसर खेर गयो । पहिलो हाफममा संकटाका खेलाडीले आधा दर्जन उत्कृष्ट प्रहार गोलमा परिणत हुन नसक्दा सेमिफाइनलदेखि अगाडि बढ्न सकेननन् ।

यसअघि संकटाले आरा रारा गोल्डकपमा क्यामरुनलाई सेमिफाइनलमा ४–२ गोलले हराउँदै उपाधि जितेको थियो । यो सँगै संकटाले दोस्रो पटक विराट गोल्डकपको उपाधि जित्ने सपना चकनाचुर भयो । दोस्रोे हाफपछि संकटाले खेल बराबरीमा ल्यान आक्रामक खेल खेलेपनि सफल हुन सकेन । खेलको ६६, ७३ र ८९ औं मिनेटमा पनि संकटाले गोल गर्ने अवसर पाएकोमा सदुपयोग गर्न नसक्दा सेमिफाइनलदेखि बाहिर बाध्य भयो ।
खेलको म्यान अफ द म्याच पंजावको निर्णायक गोल गर्ने परमजित सिंह घोषित भए । उनले नगद १० हजार रुपैयाँ प्राप्त गरे ।

झगडा गरेपछि दुई खेलाडीलाई रेड कार्ड
खेल सकिएपछि संकटा र पंजावका खेलाडीबिच झगडा भएपछि दुई जना खेलाडीले रेड कार्ड पाएका छन् । पंजावका कप्तान जगदीप सिंह र संकटाका सहिद स्माटले रेड काड पाएका हुन् । रेफ्री श्याम दनुवारले खेल सकिएको घोषण गरेसँगै संकटा र पंजावका खेलाडी बिच झगडा भएको थियो । झगडा गर्ने मध्येका दुई जना खेलाडीलाई रेप्री दनुवारले रेड कार्ड दिएका छन् । रेड कार्ड पाएसँगै पंजावका कप्तान जगदीपले फाइलनमा खेल्न नपाउने भएका छन् ।