हर्न निषेधित क्षेत्र कार्यन्वयन गर्न ट्राफिक प्रहरीको अभियान

खबर पूर्वाञ्चल, १० फाल्गुन २०७७, सोमबार २०:५२
 हर्न नबजाउन चालकलाई आग्रह गर्दै ट्राफिक प्रहरीका असर्ई हिक्मत काफ्ले

विराटनगर/ प्रदेश १ मा हर्न निषेधित क्षेत्र प्रभावकारी रूपमा कार्यन्वयन गरिन अभियान सुरू गरेको छ । केही वर्षअघि सुरू भएर रोकिएको हर्न निषेधित अभियान पुन प्रभावकारी रूपमा कार्यन्वयन गरिन अभियान सुरू गरेको हो ।

रोकिएको अभियान सुरू भएको जानकारी दिन ट्राफिक प्रहरीले आज प्रदेशभरीको स्थानमा सवारी चालकहरूलाई नमस्कार गर्दै सार्वजानिक स्थलमा हर्न नबनाइदिन अनुरोध गरेको छ । आज बिहान १० बजेतिर विराटनगरको बसपार्कदेखि छुटने छोटो तथा लामो दुरीका सवारी साधनका चालकहरूलाई ट्राफिक प्रहरीले नमस्कार गर्दै अनुरोध गरिएको थियो ।

कोरोना महामारीका बेला यो कार्यक्रमले निरन्तरता नपाए पनि ट्राफिक प्रहरीले थप सशक्त रूपमा कार्यान्वयन गर्नका लागि आजदेखि कार्यक्रम सुरु गरिएको हो ।

प्रदेश १ को १४ जिल्लामा अस्थायी ७३ र स्थायी १९ गरी ९२ वटा युनिट सञ्चालित छन् । जसमा ४ सय १० जना ट्राफिक प्रहरी कार्यरत रहेको प्रदेश १ ट्राफिक प्रहरी कार्यालयका प्रवक्ता डिएसपी सुमनकुमार तिम्सिनाले जानकारी दिए ।

प्रदेश १ मा २०७४ असोज १ गतेदेखि नै हर्न निषेधित क्षेत्र घोषणा भए पनि त्यसविरुद्ध अदालतमा उजुरी परेपछि केही समय स्थगित भएको थियो । तर, उच्च अदालत विराटनगरले २०७५ जेठ १४ गतेको निर्णयले उजुरी खारेज गरेपछि ट्राफिक प्रहरीले निरन्तर कार्यक्रम सञ्चालन गर्दै आएको प्रवक्ता तिम्सिनाले जानकारी दिए । उनका अनुसार हर्न बजाएबापत प्रदेश १ मा २२ हजार एक सय ३ वटा सवारी साधनलाई कारबाही गरिएको थियो । जसबाट १ करोड ११ लाख ९९ हजार ५ सय रुपैयाँ राजस्व संकलनसमेत गरिएको थियो । ट्राफिक प्रहरीले सवारी तथा यातायात व्यवस्था ऐन २०४९ को दफा १६४ (घ) को ३ बमोजिम कारबाही गर्दै आएको छ ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५