खबर पूर्वाञ्चल
बजारमा रहेको पुराना व्यापारी पारस साहको थोक किराना पसलमा गए राती लागेको आगलागी आज बिहान पख मात्रै नियन्त्रणमा आएको हो ।
नेपाल तथा सशस्त्र प्रहरी, स्थानीय बासिन्दा र विभिन्न ठाउँबाट आइपुगेका पाँचवटा दमकलाई आगो नियन्त्रणमा लिन छ घण्टाभन्दा बढी समय लागेको थियो । सबैको प्रयासपछि बिहान २ बजेतिर सुरु भएको आगलागी बिहान ८ बजेतिर मात्रै आगो नियन्त्रणमा आएको हो ।
आगलागीको कारण खुल्न नसकेको बताउँदै बिजुली सर्ट भएर घटना भएको हुनसक्ने मोरङ प्रहरी प्रमुख एसपी सन्तोष खड्काले जानकारी दिए । आगलागीमा एक करोड बढीको क्षति भएको बताइए पनि यकिन विवरण उपलब्ध भइसकेको छैन उनले भने। प्रहरीले क्षतिको विवरण संकलन गर्ने काम भइरहेको एसपी खड्काले बताए।
स्थानीय, प्रहरी र बारुणयन्त्र कर्मचारीको प्रयासमा आगो नियन्त्रणमा आएको हो । आगलागी बाट पसलका अधिकांश सामान जलेर नष्ट भएको छ ।
तपाईको प्रतिक्रिया