विराटनगर / पोखरामा हिजो भएको यती एयरलाइन्सको विमान दुर्घटनाको शोकमा आज सरकारले शोक बिदा दिएको छ ।
हिजो बसेको मन्त्रिपरिषद् बैठकले विमान दुर्घटनाको शोकमा राष्ट्रिय झण्डा आधा झुकाउने निर्णयसमेत गरेको छ । हिजो बिहान काठमाडौंबाट पोखराका लागि छुटेको यती एयरलाइन्सको एटीआर ७२ विमान विमान पोखराको सेती खोंचमा दुर्घटना भएको थियो । विमानमा चालक दलसहित ७२ जना थिए ।
घटनाको छानबिन गर्न सरकारले ५ सदस्यीय दुर्घटना जाँच आयोग पनि गठन गरेको छ । दुर्घटनाको कारण पहिचान गर्न र आगामी दिनमा यस्ता दुर्घटना हुन नदिन पूर्वसचिव नागेन्द्र घिमिरेको संयोजकत्वमा पाँच सदस्यीय आयोग गठन गरेको हो ।
तपाईको प्रतिक्रिया