पूर्वाञ्चल खबर
रंगेली नगरपालिका– ४ का अधिकारी थरका ८५ वर्षीय श्रीमान र उनकी ८१ वर्षीया श्रीमतीको १२ घण्टाको अन्तरमा मृत्यु भएको हो ।
उनीहरुको छुट्टाछुट्टै अस्पतालमा उपचारको क्रममा मृत्यु भएको मृतकका आफन्तले जानकारी दिएका छन् । सोमबार राति ८५ वर्षीय श्रीमानको विराट नर्सिङ होममा मृत्यु भएको हो भने सोमबार बिहान मोरङ सहकारी अस्पतालमा श्रीमतीको मृत्यु भएको हो कोरोना संक्रमित श्रीमान श्रीमतीको करिब एकै दिन मृत्यु भएको छ ।
आफन्तका अनुसार ८५ वर्षीय श्रीमानलाई २८ असोजमा विराटमा भर्ना गरिएको थियो । उपचारका क्रममा कोरोना जाँच गर्दा कोरोना पोजेटिभ देखिएको थियो ।
श्रीमानलाई अस्पताल भर्ना गरेपछि ८१ वर्षीय वृद्धा महिला पनि घरमा अस्वस्थ्य बनेकी थिइन् ।
उनलाई २७ असोजमा मोरङ सहकारी अस्पतालमा भर्ना गरिएको थियो । दुवै जनाको मृत्यु भएपछि संक्रमित बसेको घरलाई सेनिटाइज गरिएको रंगेली नगरपालिकाका स्वास्थ्य संयोजक भूपेन्द्र मण्डलले जानकारी दिए ।
