मोटरसाइकलको ठक्करबाट एक सशस्त्र प्रहरी सहायक निरिक्षकको मृत्यु

शनिबार राति कोशी राजमार्गको टंकीसिनवारी खण्डमा लु ६१ प २५०२ नम्बरको मोटरसाइकलले ठक्कर दिँदा ४२ वर्षीय कमलप्रसाद तावाहाङको मृत्यु भएको हो । मृतक तावाहाङ सशस्त्र प्रहरी सहायक निरिक्षक रहेको खुल्न आएको छ । उनी सशस्त्र प्रहरी बल पाँचथरमा कार्यरत रहेको र हाल विदामा घर आएका थिए ।

जिल्ला ट्राफिक प्रहरी कार्यालय मोरङका प्रमुख प्रहरी निरीक्षक राकेशकुमार पोद्दारका अनुसार दक्षिणबाट उत्तरतर्फ जाँदै गरेको मोटरसाइकलले ठक्कर दिँदा गम्भीर घाइते भएका तावाहाङको उपचारका क्रममा आज १ बवे मृत्यु भएको हो ।

शनिबार राति साढे नौं बजे भएको दुर्घटनापछि घाइते भएका तावाहाङको उपचारका क्रममा विराट शिक्षण अस्पतालमा भर्ना गरिएको थियो । ठक्कर दिने मोटरसाइकल नियन्त्रणमा लिईएको छ भने चालक तत्काल फरार रहेकोले उनको खोजी भईरहेको मोरङ प्रहरी जनाएको छ ।