अवैधरुपमा भारततर्फ लैजाँदै गरेको हरियो मटरसहित ट्रक बरामद

खबर पूर्वाञ्चल, २२ श्रावण २०७७, बिहीबार १३:५९

विराटनगर / नेपालबाट अवैधरुपमा भारततर्फ लैजाँदै गरेको हरियो मटरसहित ट्रक मोरङ प्रहरीले बरामद गरेको छ ।

मोरङ प्रहरीले मोरङको धनपालथान गाउँपालिका–२ पौठाबाट भारततर्फ लैजादैं गरेको ६ हजार २५० केजी हरियो मटरसहित को १ ख ४८८७ नम्बरको मिनी ट्रकसहितबरामद गरेको मोरङ प्रहरीले जनाएको छ ।

सो स्थानमा प्रहरी पुग्नासाथ हरियो मटरसहितको ट्रक छाडी चालक फरार भएको प्रहरी नायव उपरीक्षक मानबहादुर राईले जानकारी दिए ।
बरामद गरिएको मटरसहितको ट्रक मुल भन्सार कार्यालय रानीमा बुझाउने तयारी भइरहेको प्रनाउ राईले बताए ।

बरामद गरिएको मटर धनपालथान गाउँपालिका–२ का दीलिप साहको भन्ने खुल्न आएको र हाल फरार रहेका साहको खोजी भइरहेको प्रनाउ राईले जानकारी दिए । पाँचलाख मूल्य बराबरको मटर भारततर्फ लैजादैं गरेको सुचनाका आधारमा सीमा प्रहरी चौकी मायागञ्ज र रंगेली प्रहरी कार्यालयको सम्युक्त टोलीसहित मोरङ प्रहरीले नियन्त्रणमा लिइएको हो ।
अनुसन्धानका क्रममा धनपालथान–२ का दिलिपले मटर तस्करी गरेर निकासी गराउँदै गरेको खुलेको छ । दिलिप बुधनगरबाट तस्करीको लाइन चलाउने जितु साहको सम्पर्कमा रहेका व्यक्ति हुन् । विराटनगरको केहि उद्योगीहरुसहित जितु र धनपालथानका दिलिपले त्यहाँको प्रहरीसँगको मिलेमतोमा लाइन चलाउँदै आएको ख्लेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५